Համավարակը բարձրագույն կրթության վրա ունեցավ և՛ վատ, և՛ լավ ազդեցություն․ կրթության փորձագետ. ՏԵՍԱՆՅՈՒԹ

Քովիդի համավարակը բարձրագույն կրթության վրա ունեցավ և՛ վատ, և՛ լավ ազդեցություն: Այս մասին «Բարձրագույն կրթության խնդիրները՝ հետպատերազմյան, քովիդյան շրջանում. ի՞նչ հետևություններ են արվել» թեմայով քննարկման ժամանակ նշեց կրթության փորձագետ Սերոբ Խաչատրյանը:

«Դրականն այն է, որ և՛ դասախոսները, և՛ ուսանողները զարգացրին իրենց՝ թվային գործիքներին տիրապետելու հմտությունները: Բայց եթե սեպտեմբերից էլ շարունակենք հեռավար աշխատել, կարծում եմ՝ բարձրագույն կրթությունը շատ ծանր հարված կստանա, անմիջական շփումն անհրաժեշտ է: Պետք է դասեր քաղել  իրավիճակից, կուզենայի, որ բուհերում ներդրվեր «4+1» մոդելը՝ 4 օր առկա, 1 օր հեռավար դասեր կազմակերպել: Ճիշտ չէ 100 տոկոսով առկա ուսուցմանը վերադառնալը»,- նշեց Խաչատրյանը:

«Ցավոք, ես դեռ չեմ տեսնում, որ պատերազմից հետո լուրջ հետևություններ են արվել»,- ասաց կրթական փորձագետ ը: Նրա խոսքով, Հաաստանում հիմա այնպիսի վիճակ է, որ կարծես, ոչինչ էլ չի պատահել, հանգիստ, իներցիայով գնում ենք։ Ես ճիշտն ասած, չեմ լսել որևէ քննարկում, չեմ մասնակցել, որտեղ ասեն՝ պատերազմից հետո ունենք նոր իրավիճակ, ի՞նչ ենք մտածում կրթության ոլորտի հետ կապված:

Մյուս խնդիրն էլ կապված է «Բարձրագույն կրթության մասին» ՀՀ օրենքի նախագծի հետ, որը դեռ Սահմանադրական դատարանում է»,- նշեց Սերոբ Խաչատրյանը՝ հավելելով, որ կառավարությունն ավելի դեմոկրատ ձևաչափից գնաց ավտորիտար մոդելի. բուհերի ըմբոստացումը մղեց նախարարությանը, որ այն կոշտացնի բուհական խորհուրդների հարցը, որպեսզի բուհերը վերահսկողությունից դուրս չգան:

Մանրամասները՝ տեսանյութում: