19.06.2026 | 14:20
«Ինչ-որ նոր գործ են կրկին հորինել և կարել»․ ձերբակալված Ռուբեն Հակոբյանն արդեն Քննչական կոմիտեում է
Տաջիկստանում 1500 մարդ է ձերբակալվել` «կախարդների դեմ ուժեղացված ստուգման» ժամանակ
Քաղաքականություն
01.11.2024 | 22:44
Տաջիկստանի ՆԳ նախարարությունը երկրի նախագահ Էմոմալի Ռահմոնի անունից խոշոր արշավ է իրականացրել օկուլտիզմի տարածման դեմ։ Ռեյդի ընթացքում ձերբակալվել է 1,5 հազար մարդ, որոնք զբաղվում էին «կախարդությամբ և գուշակությամբ»։ Բոլորն էլ հաշվառման են կանգնել, հայտնել է Էմոմալի Ռահմոնը Բարձր որակավորում ունեցող կադրերի պատրաստման պետական ինստիտուտի բացման արարողության ժամանակ։
Նախագահի խոսքով՝ ուժեղացված ծառայության ընթացքում ձերբակալվել են նաև ավելի քան 5 հազար մոլլաներ, որոնք պաշտոնական կրոնական կրթություն չեն ունեցել։ Դեռևս գարնանը Տաջիկստանի նախագահը կրոնական առաջնորդների հետ հանդիպման ժամանակ հայտարարել էր երկրում օկուլտիզմի տարածման մասին և կոչ արել պայքարել դրա դեմ։ Ըստ նրա՝ սա «երկիրը դեպի սնահավատություն է տանում»։
Ապրիլին Տաջիկստանի ՆԳՆ-ն հայտարարել է օրենսդրության մեջ փոփոխություններ կատարելու մասին, ըստ որոնց՝ մինչև վեց ամիս հարկադիր աշխատանք է նախատեսվում խարդախության և խաբեության համար բուժարարների, գուշակների, կախարդների և թալիսման արտադրողների համար: Զեկուցվել է նաև գուշակների և կախարդների ծառայություններից օգտվող քաղաքացիների հատուկ ռեգիստր ստեղծելու մասին։
Օգոստոսին նախարարությունը հայտնել էր, որ գրանցամատյանում արդեն ավելացվել է ավելի քան 150 մարդ։
Թարգմանությունը՝ Տաթև Ֆռանգյանի
