18.07.2026 | 18:00
«Ֆուռերի մեջ բեռնված ձուկը փչանում է, ի՞նչ անենք»․ ՌԴ-ի սահմանափակումներն ու ԵՄ-ի ընձեռած հնարավորությունը․ ՏԵՍԱՆՅՈՒԹ
Բաքվում նավթավերամշակման գործարանի տարածքում գազի արտանետումից մշուշ է առաջացել` սուր հոտի տարածմամբ
Քաղաքականություն
01.11.2024 | 21:00
Բաքվի Խաթայի շրջանում՝ Հեյդար Ալիևի անվան նավթավերամշակման գործարանի տարածքում, արդեն երկու օր է՝ մշուշ է։ Ադրբեջանական լրատվամիջոցները հայտնում են, որ հարակից տարածքում նաև սուր հոտ է զգացվում։
Բնակիչներից շատերը բողոքում են գլխացավերից և արցունքահոսությունից։
Նշվում է, որ նման բան նախկինում էլ է եղել, երբ նավթի վերամշակումից գազն արտանետվել է մթնոլորտ: Սովորաբար այդ գազը բռնկվում է, բայց արդեն երկու օր է՝ նման բան տեղի չի ունեցել, մինչդեռ սուր հոտն ավելի է տարածվում դեպի Ադրբեջանի մայրաքաղաքի կենտրոն։
Բնապահպանության նախարարությունը չի մեկնաբանում տեղի ունեցածը։
Ուշագրավ է, որ այս ամենը տեղի է ունենում Բաքվում նոյեմբերի 11-22-ը կայանալիք ՄԱԿ-ի կլիմայական համաժողովի՝ COP29-ի նախօրերին՝ ի ցույց դնելով Ադրբեջանում բնապահպանական վատթար իրավիճակը։
Թարգմանությունը՝ Էմմա Չոբանյանի
