22.06.2026 | 13:44
Իրանի ֆուտբոլի հավաքականը հանդերձարանում շնորհակալական նամակ է թողել Աշխարհի առաջնությունը հյուրընկալող Լոս Անջելեսին
Կրեմլը՝ Ուկրաինայի տարածքով դեպի Եվրոպա ադրբեջանական գազի հնարավոր մատակարարումների մասին
Քաղաքականություն
01.11.2024 | 20:44
Կրեմլը հրաժարվել է կանխատեսել իրավիճակի զարգացումը եվրոպական ընկերությունների և Ադրբեջանի միջև ուկրաինական գազափոխադրման համակարգով գազի արտահանման շուրջ հնարավոր գործարքի վերաբերյալ՝ հիշեցնելով, որ Ուկրարինան հրաժարվել է Ռուսաստանի Դաշնության հետ տարանցման համաձայնագրից, գրում է Ինտերֆաքսը։
Լրագրողները խնդրել են ՌԴ նախագահի մամուլի խոսնակ Դմիտրի Պեսկովին մեկնաբանել մամուլում հայտնված այն տեղեկությունը, որ եվրոպական ընկերությունները մոտ են Ադրբեջանի հետ համապատասխան գործարքին, ինչին ի պատասխան՝ Պեսկովն ասել է, որ դրանք կոմերցիոն բանակցություններ են։
«Մենք գիտենք իրավիճակը, որի մասին Ռուսաստանի նախագահը խոսել է Կազանում մամուլի ասուլիսում։ Այնտեղ հարց կար այն մասին, որ այս տարվա վերջին կավարտվի գազի մղման պայմանագրի գործողության ժամկետը։ Իսկ թե ինչպես կզարգանան հետագա իրադարձությունները, ինչպես կապահովվեն հետագա մատակարարումները՝ հաշվի առնելով այն փաստը, որ Ուկրաինան արդեն հայտարարել է, որ հրաժարվում է երկարաձգել այս համաձայնագիրը, հիմա ոչինչ ասել չեմ կարող»,- նշել է Պեսկովը։
Հավելենք, որ ավելի վաղ լրատվամիջոցները հայտնել էին, որ Ուկրաինան Ադրբեջանին՝ որպես գազ արտահանողի, իսկ Սլովակիային՝ որպես գնորդի, առաջարկել է սխեմա՝ իր տարածքով Եվրոպա ռուսական գազի այլընտրանքային մատակարարման համար։
Թարգմանությունը՝ Էմմա Չոբանյանի
