19.11.2024 | 12:28
Փաշինյանի նոր կերպարը․ վարչապետը փոխել է ֆեյսբուքյան էջի գլխավոր լուսանկարն ու ետնանկարը
ՍԴ-ն կքննի արտահերթի արդյունքները չճանաչելու դիմումները․ Գրիգորյանի մտահոգությունը՝ Զասին․ Լուրեր
Քաղաքականություն
05.07.2021 | 18:07
Արտահերթ ընտրությունների արդյունքները վիճարկելու մասին քաղաքական ուժերի ներկայացրած դիմումների քննությունը ՀՀ Սահմանադրական դատարանում տեղի կունենա հուլիսի 9-ին՝ գրավոր ընթացակարգով։ Ընտրությունների արդյունքները ճանաչելու մասին ԿԸՀ որոշումը չեղյալ համարելու համար ՍԴ դիմել էին «Հայաստան» և «Պատիվ ունեմ» դաշինքները, ինչպես նաև՝ «Զարթոնք», «Հայոց հայրենիք» կուսակցությունները։
—
ԱԽՔ Արմեն Գրիգորյանը հեռախոսազրույց է ունեցել ՀԱՊԿ ԳՔ Ստանիսլավ Զասի հետ և մտահոգություն է հայտնել Զասի՝ Հայաստանի տարածք ադրբեջանական զորքերի ներխուժմանը վերաբերող հայտարարության վերաբերյալ։ Գրիգորյանը նշել է, որ ստեղծված իրավիճակը չի կարելի որակել որպես միջադեպ, քանզի արդեն տևական ժամանակ է, ինչ Ադրբեջանի զինծառայողները չեն լքում ՀՀ սուվերեն տարածքը:
—
Համացանցում տեսանյութն է հայտնվել, որում երևում է, թե ինչպես է ադրբեջանցի զինծառայողը կրակահերթ արձակում ադրբեջանական օկուպացիայի տակ հայտնված Հադրութում գտնվող և քաղաքի ազատագրմանը նվիրված հուշահամալիրի խաչքարի վրա։ Տեսանյութից պարզ է դառնում, որ հուշահամալիրը պղծված է, առկա են ադրբեջանցիների գրառումներ։
