27.11.2024 | 22:27
Հայաստանի մի շարք հասցեներում էլեկտրաէներգիայի անջատումներ կլինեն
ՆԱՏՕ-ի զորավարժությունների ֆոնին ՌԴ-ն ավելացրել է իր նավերը Սև ծովում
Քաղաքականություն
05.07.2021 | 19:13
ՆԱՏՕ-ի զորավարժությունների ֆոնին Ռուսաստանն ավելացրել է իր նավերի կուտակումը Սև ծովում «Մոսկվա» հրթիռային կրեյսերի և «Ծովակալ Էսսեն» ֆրեգատի հաշվին՝ «Կալիբր» թևավոր հրթիռներով:
«Սևծովյան նավատորմի դրոշակակիրը՝ հրթիռային կրեյսեր «Մոսկվան» և «Էսսեն» ֆրեգատը, անցնում են Դարդանելի և Բոսֆորի սևծովյան նեղուցներով»,- երկուշաբթի՝ հուլիսի 5-ին հայտնել են Ռուսաստանի Սևծովյան նավատորմից, գրում է DW-ի ռուսական ծառայությունը:
Նավերն այժմ անցում են կատարում Միջերկրական ծովից դեպի Ղրիմում Սևաստոպոլի մշտական բազա:
«Սևաստոպոլ հասնելուց հետո նավերը կհամալրեն նյութական պաշարները, կիրականացնեն պլանային տեխնիկական զննում և կշարունակեն կատարել առաջադրանքներ, ինչպես նախատեսված է նավատորմի ուժերի մարտական պատրաստության պլանի»,- ասված է Սևծովյան նավատորմի հաղորդագրության մեջ:
Այժմ Սև ծովում ընթանում են խոշոր «Sea Breeze» զորավարժությունները՝ ԱՄՆ-ի, ՆԱՏՕ-ի անդամ այլ երկրների և նրանց գործընկերների նավերի մասնակցությամբ: Դրանցում ներգրավված են ՆԱՏՕ-ի անդամ 17 երկրներից 32 ռազմանավ, 40 ինքնաթիռ և 5․000 զինծառայող, ինչպես նաև դաշինքի գործընկերներ: Ընդհանուր առմամբ, նախատեսվում է 32 երկրից ռազմական անձնակազմի մասնակցություն։
Տաթև Ֆռանգյան
