31.07.2026 | 13:29
Նարեկ Կարապետյանի առանձնատան խուզարկությունն ավարտվել է, ոչինչ չեն տարել. Դավիթ Ղազինյան․ ՏԵՍԱՆՅՈՒԹ
Չինաստանի Կոմունիստական կուսակցությունը նշում է 100-ամյակը․ Սի Ցզինպինը պողպատե պատով է վախեցրել չինացիներին սպառնացող օտար ուժերին
Քաղաքականություն
01.07.2021 | 21:40
Պեկինը մեծ մասշտաբներով նշում է Չինաստանի Կոմունիստական կուսակցության 100-ամյակը։ Մայրաքաղաքի կենտրոնում՝ Տյանանմեն հրապարակում, տոնակատարությանը մասնակցել է շուրջ 70,000 մարդ, հաղորդում է Euronews-ը:
Չինացի առաջնորդ Մաո Ցզեդունի ոճով հագնված Սի Ցզինպինը հայտարարել է, որ Կոմունիստական կուսակցության ղեկավարության ներքո «ժողովուրդը կարողացել է արմատախիլ անել բացարձակ աղքատությունն ու կառուցել միջին կենսամակարդակով հասարակություն», իսկ դարաշրջանը, երբ Չինաստանը հանդուրժում էր ստորացումները, մնացել է անցյալում։
«Չինաստանի ժողովուրդն այլևս երբեք թույլ չի տա որևէ օտար ուժի մեզ վախեցնել, ճնշել կամ ստրկացնել: Եթե ինչ-որ մեկը որոշի դա անել, նա կխփվի չինացիների մսից և արյունից 1,4 միլիարդանոց պողպատե Մեծ պատին և կկոտրի իր գլուխը », – ասել է Ցզինպինը:
Չինաստանի Կոմունիստական կուսակցությունն ամենամեծ քաղաքական ուժն է աշխարհում: Դրա հարյուրամյակը նշանավորվել է թնդանոթի հարյուր զարկով, իսկ կործանիչներն ու ուղղաթիռները երկնքում 100 թիվն են պատկերել։
Նկատենք, որ չնայած այն փաստին, որ Պեկինում վերջին շրջանում COVID-19-ի դեպքեր չեն արձանագրվում, միջոցառմանը ներկա գտնվողներից շատերը դիմակներով են եղել:
Տաթև Ֆռանգյան
