24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Եթե 4 կամ 5 տեղ հրաման է տրվել նահանջի, չի նշանակում, որ բոլոր տեղերում է տրվել․ Արտակ Բեգլարյան. ՏԵՍԱՆՅՈՒԹ
01.07.2021 | 11:38
«Զինվորականներն ասում են, որ անընդհատ հրաման են ստացել նահանջելու, հետ քաշվելու: Համապատասխան մարմինները ե՞րբ են զբաղվելու այդ հարցի քննությամբ»,- առցանց ասուլիսի ժամանակ Արցախի պետնախարար Արտակ Բեգլարյանը, անդրադառնալով օգտատերերից մեկի այս հարցին, նշեց, որ այդ հարցն իրավապահների ուսումնասիրության հարց է:
«Իհարկե եթե ստեղծվեն քննիչ հանձնաժողովներ, իրենք էլ կարող են ուսումնասիրել, եթե ստանան համապատասխան լծակներ և լիազորություններ: Ես էլ հույս ունեմ, որ համապատասախան քննություններով կպարզվի, թե ով ինչ մեղավորություններ ունի»,- նշեց Բեգլարյանը:
Նա նաև հորդորեց չհավատալ ամեն մի առասպելի, ամեն մի զրույցի, քանի դեռ դրանք հիմնավորված չեն. «Դրանք չպետք է ընդհանրացնենք, եթե 4 կամ 5 տեղ հրաման է տրվել նահանջի, չի նշանակում, որ բոլոր տեղերում է տրվել նահանջի հրաման: Պետք է բոլոր հանգամանքներն ուսումնասիրել, հետո նոր հավատալ կամ չհավատալ»:
Մանրամասները՝ տեսանյութում:
