10.03.2026 | 16:21
Ռուսական զորքերը երեք ավիառումբ են նետել Սլավյանսկի վրա. 4 զոհ և 16 վիրավոր կա
Կարո՞ղ է պետական քարտուղարի կողմից հրապարակվել քաղաքացիության դադարեցման վերաբերյալ փաստաթուղթ (ՏԵՍԱՆՅՈՒԹ)
Քաղաքականություն
01.03.2018 | 13:35
«Քաղաքացիության մասին պետության օրենսդրությունը ենթակա չէ մեկնաբանման այլ պետության կամ այլ պետության պաշտոնական անձի կողմից, բացառությամբ այդ պետության։ Եթե անձը Հայաստանի քաղաքացի է, նա կարող է նաև այլ երկրի քաղաքացի լինել, ունենալ երկքաղաքացիություն, սակայն Սահմանադրությամբ արգելք է նախատեսված երկքաղաքացիություն ունեցողին նախագահի պաշտոնում առաջադրվելու համար»,- ՀՀ չորրորդ նախագահի թեկնածու Արմեն Սարգսյանին դիմելով՝ ասաց ԱԺ «Ելք» խմբակցության պատգամավոր Արտակ Զեյնալյանը։
Նա Սարգսյանից պահանջեց փաստաթուղթ, որտեղ նշվում է, որ նա Մեծ Բիրտանիայի քաղաքացիություն չունի. «Դուք պետք է, որ ստացած լինենք պետական քարտուղարի կողմից ձեր քաղաքացիությունը դադարեցնելու մասին փաստաթուղթը, կարո՞ղ եք այն հրապարակել»։ Արմեն Սարգսյանը ԱԺ ամբիոնից հայտարարեց՝ Արտակ Զեյնալյանի հարցը տեղին է, բայց ինքը միայն Հայաստանի քաղաքացի է։ Սարգսյանը երկար խոսեց երկաքաղաքացիության դրական և բացասական կողմերից, կրկնեց, որ ինքը Հայաստանի քաղաքացի է միայն, բայց փաստաթուղթը հրապարակելու մասին այդպես էլ ոչինչ չասաց։
Մանրամասները՝ տեսանյութում։
