16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Միխայիլ Սաակաշվիլին որոշել է թոք շոու վարել
Քաղաքականություն
29.06.2021 | 19:33
Վրաստանի նախկին նախագահ, «Միասնական ազգային շարժում» ընդդիմադիր կուսակցության ոչ պաշտոնական ղեկավար Միխայիլ Սաակաշվիլին, որը հայրենիքում քրեական հետախուզման մեջ է և ապրում է Ուկրաինայում, որոշել է թոք շոու վարել, գրում է EurAsia Daily-ն։
«Ես սկսում եմ հեռուստաընկերություններից մեկի ուղիղ եթերով թոք շոու վարել։ Եվ երկրորդը, ինչ պատրաստվում եմ անել, մի քանի հարյուր երիտասարդների հավաքելն է, որոնք կընտրվեն մրցութային կարգով, և Օդեսայում կանցկացնեմ Վրաստանի ապագայի համար ինովացիոն կոնգրես»,- հայտարարել է Սաակաշվիլին։
Հավելենք, որ 2017 թվականին Սաակաշվիլին ZIK հեռուստաալիքով վարում էր «Այլ Ուկրաինա» թոք շոուն։ Այն ժամանակ նա ասում էր, որ եթերում ցույց կտա այնպիսի Ուկրաինա, ինչպիսին ցույց չի տալիս ոչ մի հեռուստաալիք։
Տաթև Ֆռանգյան
