17.09.2026 | 15:19
ՌԴ-ն Սև ծովում հարվածել է Տանզանիայի դրոշի ներքո նավարկող նավին․ նավապետը զոհվել է
Հայտնի են McAfee հակավիրուսային ծրագրի ստեղծող Ջոն Մաքաֆիի դիահերձման արդյունքները․ այրին նրա սպանության մեջ մեղադրում է ԱՄՆ-ին
Քաղաքականություն
29.06.2021 | 16:25
McAfee հակավիրուսային ծրագրի ստեղծող Ջոն Մաքաֆիի դիահերձմամբ պարզվել է, որ նա ինքնասպան է եղել: Նշվում է, որ նա ինքնասպանություն է գործել իսպանական բանտի խցում, որտեղ սպասում էր ԱՄՆ արտահանձնմանը, գրում է Reuters-ը՝ վկայակոչելով անանուն աղբյուրներին:
Նշվում է, որ բանտի վերակացուները Մաքաֆիի մարմինը գտել են կախված վիճակում:
Մաքաֆիի այրին խնդրել է փաստաբաններին պահանջել երկրորդ՝ անկախ դիահերձում: Գործարար և ծրագրավորող Մաքաֆիի կինը չի հավատում, որ ամուսինը հակված է եղել ինքնասպանության, և նրա մահվան մեջ մեղադրել է ԱՄՆ իշխանություններին:
Հավելենք, որ McAfee-ի հիմնադիրը ձերբակալվել էր Իսպանիայում 2020 թվականի հոկտեմբերին: Նա ԱՄՆ-ի կողմից հետախուզվում էր հարկային հանցագործության համար: ԱՄՆ իշխանությունները Մաքաֆիին մեղադրանք են առաջադրել հարկերից խուսափելու համար: Դատախազությունը շեշտել է, որ Մաքաֆին միլիոնավոր դոլարներ է ստացել կրիպտոարժույթով գործարքների միջոցով:
Տաթև Ֆռանգյան
