11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
McAfee հակավիրուսի ստեղծողին մահացած են գտել բանտախցում
Քաղաքականություն
24.06.2021 | 12:57
Ձեռնարկատեր, McAfee հակավիրուսի ստեղծող ու ընկերության հիմնադիր Ջոն Մաքաֆին մահացած է հայտնաբերվել Բարսելոնայի բանտերից մեկի իր խցում։ Այս մասին գրում է BBC-ի ռուսական ծառայությունը։
Դրանից մի քանի ժամ առաջ Իսպանիայի ազգային դատարանը հավանություն էր տվել հարկերից խուսափելու մեղադրանքով ԱՄՆ-ին նրա արտահանձնմանը։
El Pais-ի հաղորդմամբ՝ 75-ամյա Մաքաֆին մահացած է հայտնաբերվել Բարսելոնայի արվարձաններից մեկում գտնվող իր բանտախցում։ Բժիշկները փորձել են վերակենդանացնել նրան, սակայն ապարդյուն։
Կատալոնիայի արդարադատության վարչությունը հայտարարել է, որ, ըստ ամենայնի, Մաքաֆին ինքնասպան է եղել։
Տաթև Ֆռանգյան
