17.09.2026 | 11:51
«Ասում ա՝ ղարաբաղցի ա ու տուն ունի, ոնց ես կարողացել փստցնես»․ Կարապետյանը՝ Փաշինյանի ելույթի մասին․ ՏԵՍԱՆՅՈՒԹ
Պատվաստանյութերի համակցումն ավելի հուսալի պաշտպանություն է ապահովում Covid-19-ի դեմ
Քաղաքականություն
29.06.2021 | 13:16
Օքսֆորդի համալսարանի հետազոտողները պարզել են, որ կորոնավիրուսի դեմ պատվաստանյութերի առաջին և երկրորդ դեղաչափերի համար երկու տարբեր պատվաստանյութերի օգտագործումը հուսալի պաշտպանություն է ապահովում Covid-19-ի դեմ, գրում է BBC-ի ռուսական ծառայությունը։
Փորձարկումերի ընթացքում կամավորները պատվաստվել են երկու տարբեր պատվաստանյութերով՝ չորս շաբաթ ընդմիջումներով։ Արդյունքում պարզվել է, որ AstraZeneca և Pfizer պատվաստանյութերի համադրությունն ավելի արդյունավետ է հակամարմիններ արտադրելու հարցում, քան AstraZeneca-ով երկու պատվաստումը։
Մի քանի երկրներ արդեն օգտագործում են պատվաստանյութերի համակցումը։ Այսպես՝ Իսպանիան և Գերմանիան առաջին դեղաչափը AstraZeneca պատվաստանյութ ստացած երիտասարդներին առաջարկում են երկրորդ դեղաչափը ստանալ Pfizer-ի կամ Moderna-ի պատվաստանյութը:
Այնուամենայնիվ, ինչպես շեշտում են հետազոտության հեղինակները, այս արդյունքները չպետք է խաթարեն նույն դեղամիջոցով պատվաստումների համակարգի արժանահավատությունը:
Տաթև Ֆռանգյան
