26.04.2026 | 15:53
Վթարային ջրանջատում Արմավիրի և Կոտայքի մարզերում
Ստամբուլում 10 տարվա ազատազրկման է դատապարտվել Քյոլնի բնակչուհին՝ բողոքի ցույց անելու համար
Քաղաքականություն
24.06.2021 | 22:34
Թուրքիայի Ստամբուլ քաղաքի դատարանը հունիսի 24-ին Քյոլնի բնակչուհի Գյոնյու Օրսին դատապարտել է 10 տարվա ազատազրկման` 2012 թվականին Քյոլնում բողոքի ակցիա անելու գործով։ Օրսը ներկա չի գտնվել դատական նիստին՝ առողջական վիճակի պատճառով, գրում է DW-ի ռուսական ծառայությունը։
Թուրքիայի դատախազությունը Օրսին մեղադրել է հօգուտ արգելված Քրդական աշխատավոր կուսակցության (ՔԱԿ) քարոզչության, ուժի կիրառմամբ ազատությունից զրկելու և տրանսպորտային միջոց առևանգելու մեջ։ Դատարանը նրան մեղավոր է ճանաչել մեղադրանքի բոլոր դրույթներով։
Գյոնյու Օրսի դեմ քրեական գործը կապված է 2012 թվականին Քյոլնի նավերից մեկի վրա բողոքի ակցիայի հետ։ Համաձայն գործին կցված փաստաթղթերի՝ Օրսը ևս 9 այլ ակտիվիստների հետ գրավել է նավը, ինչից հետո նրանց հետ պաստառներ է փակցրել ու ՔԱԿ-ի օգտին լոզունգներ վանկարկել։
Ակտիվիստը հերքել էր իրեն ներկայացված մեղադրանքները։ Գերմանիայում նրա հանդեպ քրեական հետապնդումը դադարեցվել էր։
Օրսը հայտարարել է, որ ցնցված է Թուրքիայի դատարանի որոշմամբ և առաջին հնարավորության դեպքում կլքի երկիրը։
Տաթև Ֆռանգյան
