31.07.2026 | 14:13
«Ժողովրդավարությունը հաճախ հետընթաց է ապրում ընտրված իշխանությունների՝ համակարգը քանդող քայլերից»․ Նարեկ Սուքիասյան. ՏԵՍԱՆՅՈւԹ
Մանդատներից հրաժարման ինստիտուտ չկա․ Տիգրան Մուկուչյան. ՏԵՍԱՆՅՈՒԹ
Քաղաքականություն
21.06.2021 | 11:29
«Մանդատներից հրաժարման ինստիտուտ չկա»,- այսօր ճեպազրույցում հայտարարեց ԿԸՀ նախագահ Տիգրան Մուկուչյանը՝ պատասխանելով հարցին, որ եթե ընդդիմադիր պատգամավորները հրաժարվեն մանդատներից, արդյոք նոր ընտրություններ կանցնակցվեն։
Ըստ Մուկուչյանի՝ դա ավելի շատ քաղաքական հարց է և ԿԸՀ-ն, հիմք ընդունելով նախնական տվյալները, դրանց հիմքով իրականացնելու է մանդատների բաշխում։
«Իհարկե՝ կարող է լինել տարբերակ, որ ենթադրենք՝ մանդատներ ստացած թեկնածուները հրաժարվեն մանդատներից ինքնաբացարկ ներկայացնելու միջոցով, այդ դեպքում, այն կուսակցությունները, որոնք մասնակցել են մանդատների բաշխմանը, բնական է՝ նրանք են միայն ստանում իրենց մանդատները»,- հայտնեց Տիգրան Մուկուչյանը։
ԿԸՀ նախագահը տեղեկացրեց նաև՝ մանդատները բաշխվում են բացառապես այն կուսակցությունների միջև, որոնք, ըստ Ընտրական օրենսգրքի, կստանան այդ մանդատները և նրանց փոխարեն այլ ուժի չեն կարող փոխանցվել։ Իսկ եթե 2-րդ և 3-րդ տեղ զբաղեցրած ուժերը հրաժարվեն մանդատներից, ԱԺ-ում կմնա միայն այն ուժը, որը վերցրել է մանդատները։
Մանրամասները՝ տեսանյութում:
