Ըստ «Շուշիի հռչակագրի»՝ Բաքուն ու Անկարան միմյանց ռազմական օգնություն կցուցաբերեն երրորդ երկրների սպառնալիքի կամ ագրեսիայի դեպքում

Քաղաքականություն

16.06.2021 | 15:50

Լուրեր

03.04.2026 | 09:30

Բախվել են ավտոմեքենաներ․ կան տուժածներ և մեկ զոհ

03.04.2026 | 00:12

Վարդան Ղուկասյանի որդու խափանման միջոցը փոխվել է. նա տնային կալանքի տակ է

02.04.2026 | 23:17

Պարսից ծոցի երկրները քննարկում են խողովակաշարերի կառուցման հարցը՝ Հորմուզի նեղուցով նավթ չմատակարարելու համար. FT

02.04.2026 | 23:03

Ադրբեջանն ուժեղացնում է ճնշումը քաղբանտարկյալների նկատմամբ

02.04.2026 | 22:52

Վարազդատ Լալայանն ու Ալեքսանդրա Գրիգորյանն առաջադրված են Ծանրամարտի եվրոպական ֆեդերացիայի 2025-ի լավագույն մարզիկների անվանակարգերում

02.04.2026 | 22:37

Իրանում մահապատժի է ենթարկվել հունվարյան բողոքի ցույցերին առնչություն ունեցած մի տղամարդ

02.04.2026 | 22:24

Երևանի և 9 մարզի մի շարք հասցեներում էլեկտրաէներգիայի անջատումներ կլինեն

02.04.2026 | 22:10

Ավստրիան հայտարարել է, որ մերժել է ԱՄՆ-ին իր օդային տարածքը օգտագործել

02.04.2026 | 21:58

Թադևոս Ավետիսյանի` ԱԺ պատգամավորի լիազորությունները դադարել են

02.04.2026 | 21:42

Մակրոնը արձագանքել է Թրամփի կողմից Բրիջիթ Մակրոնին ուղղված վիրավորանքներին

02.04.2026 | 21:28

«Անկախ դիտորդ»-ի ուսումնասիրությունը․ Հանրայինի Առաջինի լրատվականի YouTube-ում գերակշռում է ՔՊ-ին առնչվող քարոզչությունը

02.04.2026 | 21:16

«Գազպրոմը» հայտարարել է, թե Ռուսաստանում «Թուրքական հոսք» գազատարի վրա ԱԹՍ-ի հարձակումը հետ է մղվել

02.04.2026 | 21:03

Հայաստանի գավաթ․ «Արարատ-Արմենիան»` կիսաեզրափակիչի վերջին մասնակից․ ՏԵՍԱՆՅՈՒԹ

02.04.2026 | 21:00

ՌԴ-ն խաղադրույք չի անում որևէ ուժի վրա․ Պուտինի ուղերձն է՝ ով ՀՀ-ում իշխանության գա, աշխատելու են նրա հետ․ Անի Սամսոնյան․ ՏԵՍԱՆՅՈՒԹ

02.04.2026 | 20:45

Արցախցիները «փախե՞լ են» պատերազմից ու հայրենիքից․ Փաշինյանի խոսույթն ու հակադարձումները․ ՏԵՍԱՆՅՈՒԹ

Բոլորը

Ադրբեջանն ու Թուրքիան գործելու են համատեղ երրորդ երկրի կողմից սպառնալիքի կամ ագրեսիայի դեպքում, ինչպես նաև շարունակելու են զինված ուժերի համաձայնեցված արդիականացումը։ Այս մասին ասվում է նախօրեին ադրբեջանական օկուպացիայի տակ գտնվող հայկական Շուշիում Թուրքիայի նախագահ Ռեջեփ Թայիփ Էրդողանի ու Ադրբեջանի նախագահ Իլհամ Ալիևի ստորագրած «Շուշիի հռչակագրում», գրում է ՌԻԱ Նովոստին։

Ալիևի ու Էրդողանի ստորագրած դաշնակցային գործընկերության մասին հռչակագրում ներառված են նաև ռազմական ոլորտին ու փոխօգնությանն առնչվող հարցեր։
«Երրորդ պետության կողմից սպառնալիքի կամ ագրեսիայի դեպքում՝ Ադրբեջանի ու Թուրքիայի անկախության, ինքնիշխանության, տարածքային ամբողջականության, միջազգայնորեն ճանաչված սահմանների անձեռնամխելիության կամ անվտանգության նկատմամբ, կողմերն անցկացնում են համատեղ խորհրդակցություններ՝ այդ սպառնալիքը կամ ագրեսիան վերացնելու համար։ Նրանք հանդես են գալիս նախաձեռնություններով՝ ՄԱԿ-ի կանոնադրության սկզբունքներին ու նպատակներին համապատասխան, և միմյանց անհրաժեշտ օգնություն են տրամադրում՝ ՄԱԿ-ի կանոնադրության համաձայն։ Այդ օգնության ծավալն ու ձևը որոշվելու է անհապաղ քննարկումների ընթացքում, որոշում է կայացվելու համատեղ գործողությունների, պաշտպանունակությունն ապահովելու մասին, ինչպես նաև կազմակերպվելու է ԶՈՒ-ի ուժային ու հրամանատարական կառույցների համակարգված գործունեություն»,- ասվում է հռչակագրում։

Փաստաթղթում նաև նշվում է, որ «կողմերը շարունակելու են համատեղ ջանքերը երկու եղբայրական երկրների ԶՈՒ-ի արդիականացման ուղղությամբ՝ ժամանակակից պահանջներին համապատասխան»։

Բացի այդ, հռչակագրում է խոսք է գնում Հայոց ցեղասպանության մասին։ Նշվում է, որ Ադրբեջանն ու Թուրքիան աջակցում են Հայոց ցեղասպանության արխիվների բացմանն ու պատմաբանների հետաքննությանը։

«Կողմերը, ընդգծելով տարածաշրջանում կայունությանն ու խաղաղությանը Հայաստանի՝ Թուրքիայի հանդեպ անհիմն պահանջների արդյունքում հասցված վնասը, պատմության խեղաթյուրման ու քաղաքականացման փորձերը, վճռականորեն աջակցում են ջանքերին՝ 1915թ․ իրադարձությունների արխիվների բացմանն ու պատմաբանների կողմից հետաքննությանը»,- ասվում է փաստաթղթում։

Էմմա Չոբանյան