19.11.2024 | 13:30
ԱՄՆ-ը նախազգուշացրել է Թուրքիային՝ չհյուրընկալել ՀԱՄԱՍ-ի առաջնորդներին
Անվտանգության ուժերը Թբիլիսիում ցրել են ցուցարարներին. բախումներ են գրանցվել․ ՏԵՍԱՆՅՈՒԹ
Քաղաքականություն
19.11.2024 | 11:02
Թբիլիսիում ակցիայի տարածքը լքելու նախազգուշացումից հետո երկրի անվտանգության ուժերը սկսել են ցրել նոր խորհրդարանական ընտրություններ պահանջող բողոքի ցույցի մասնակիցներին։ Ցուցարարների և ուժայինների միջև բախումներ են սկսվել։
Ապամոնտաժվել են բարիկադներն ու հեռացվել մեքենաները, որոնցով ցուցարարները փակել էին Թբիլիսիի կենտրոնական փողոցները։ Այն բանից հետո, երբ ոստիկանությունը քանդել է ընդդիմադիրների վրանային քաղաքը, Մելիքիշվիլի փողոցում սկսվել են ընդդիմադիրների ձերբակալությունները։ Ոստիկանությունը բավական կոշտ է գործել. կան վիրավորներ, գրում է «Էխո Կավկազան»։
Ձերբակալվածների թվում է նաև ընդդիմադիր «Մթավարի» հեռուստաալիքի օպերատոր Սերգի Բարամիձեն, որն իր մասնագիտական պարտականություններն էր կատարում։ Նրա տեսախցիկը կոտրվել է։ Ձերբակալության ժամանակ Բարամիձեն նաև ծեծի է ենթարկվել։
Նախնական տեղեկություններով՝ ձերբակալվածների թիվն առնվազն 10 է։
Մանրամասները՝ տեսանյութում։
