19.11.2024 | 10:14
Արտարժույթների փոխարժեքները՝ նոյեմբերի 19-ի դրությամբ
Ունենք անպատասխանատու իշխանություն, որը փչացրեց մեր հարաբերությունները բոլոր բարեկամ երկրների հետ և թշնամի ստեղծեց երկրի ներսում․ Քոչարյան․ ՏԵՍԱՆՅՈՒԹ
Քաղաքականություն
15.06.2021 | 17:08
Կա մարդկանց այդպիսի տեսակ` միշտ բողոքող և ձանձրացնող, և եթե այդպիսի մարդը դառնում է առաջնորդ, ապա ամբողջ ժողովուրդը նման պահվածքի գերի է դառնում: Այս մասին Ավշարի բնակիչների հետ հանդիպմանը հայտարարեց ՀՀ երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը:
«Ղեկավարի հիմնական գործառույթը որոշումներ կայացնելն է: Առաջնորդը հողը չի հերկում, նա որոշումներ է կայացնում: Եթե պատասխանատվություն ես ստանձնել որոշումներ կայացնելու համար, բարի եղիր պատասխանատվություն ստանձնել կայացված որոշումների հետևանքների համար: Այսօր մենք ունենք մի կառավարություն, որը պատրաստ չէ ստանձնել պատասխանատվության որևէ մաս իր որոշումների համար:
«Ես պատասխանատու եմ, բայց ոչ մեղավոր» բանաձևը խոսում է մարդու որակի մասին: Եվ ես չեմ հավատում, որ մարդը փոխվում է: Դուք շա՞տ մարդկ եք տեսել, ում բնավորությունը փոխվում է: Կարող եք աշխատել ինքներդ ձեզ վրա, այս կողմ, այն կողմ, բայց հիմքը նույնն է: 2018-ին բարձրագույն պաշտոնում այդպիսի մարդու և թիմ ընտրեցին: Երբ նրան ընտրում են, նա բղավում է, որ ինքն է ամենակարևորը, ամենագեղեցիկը և այլն: Ապա մեղադրում է մյուսներին, նախկինիններին, նույնիսկ փորձում էր Ռուսաստանին մեղադրել պատերազմում ձախողման մեջ»,- ասաց Քոչարյանը:
Նա արձանագրեց, որ իշխանությունները, չնայած պատերազմում և տնտեսությունում տեղի ունեցած հսկայական կորուստներին, իրենց մեղավոր չեն զգում, ամեն ինչում նախկիններին են մեղավոր համարում:
«Ունենք անպատասխանատու իշխանություններ, որոնք չեն կարողանում մտածել երկու քայլ առաջ: Նրանք փչացրին հարաբերությունները բոլոր բարեկամ երկրների հետ և թշնամի ստեղծեցին երկրի ներսում:
Մի ելույթով երկրի առաջին դեմքը թշնամանք է սերմանում երկրի ներսում, ապա կոչ է անում Ադրբեջանի հետ ընկերություն անել: Եթե այդքան խաղաղասեր ես, նախ խաղաղություն հաստատիր երկրի ներսում…
Գիտակից մարդը նախ մտածում է, հետո` խոսում: Մեզ մոտ հակառակն է՝ նախ խոսում է, ապա` մտածում»,- նշեց Քոչարյանը:
Նա ընդգծեց, որ այս իշխանություններին պատժելու միակ ձևն ընտրությունների ժամանակ նրանց դեմ քվեարկելն է:
Մանրամասները՝ տեսանյութում:
