14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Էրդողանը հայկական Շուշիում է․ դիմավորման պաշտոնական արարողություն է կայացել
Քաղաքականություն
15.06.2021 | 16:32
Թուրքիայի ու Ադրբեջանի նախագահները ժամանել են Արցախի օկուպացված Շուշի քաղաք։ Այստեղ տեղի է ունեցել Էրդողանի դիմավորման պաշտոնական արարողությունը։ Էրդողանին ու նրա կնոջը դիմավորել են Իլհամ Ալիևը կնոջ՝ Մեհրիբան Ալիևայի հետ։
Այժմ թուրք-ադրբեջանական երկկողմ բանակցություններ են ընթանում, որոնց արդյունքում կողմերը համապարփակ գործընկերության համաձայնագիր են ստորագրելու։ Էրդողանն ու Ալիևը հանդես են գալու նաև համատեղ մամուլի ասուլիսով։
Նշենք, որ Էրդողանին այցի ընթացքում ուղեկցում են Թուրքիայի ազգային պաշտպանության նախարար Հուլուսի Աքարը, նախագահի աշխատակազմի կապի գրասենյակի ղեկավար Ֆահրեդդին Ալթընը, մամուլի քարտուղար Իբրահիմ Քալընը, իշխող «Արդարություն և զարգացում» կուսակցության պաշտոնական ներկայացուցիչ Օմեր Չելիքը, այլ անձինք։
Հիշեցնենք նաև, որ Թուրքիայի նախագահի՝ օկուպացված Շուշի այցելության կապակցությամբ հայտարարություն է տարածել Արցախի ԱԳՆ-ն՝ նշելով, որ «Էրդողանի անհրավեր այցը Շուշի դիտարկում ենք որպես սպառնալիք և ուժի ցուցադրման նոր փորձ»։
Էմմա Չոբանյան
