01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Եղածները կռիվ են անում, թե ով է Վլադիմիր Վլադիմիրովիչին ավելի մոտիկ․ Արամ Սարգսյան
Քաղաքականություն
14.06.2021 | 21:08
«Հանրապետություն» կուսակցության ընտրացուցակի առաջին համար Արամ Սարգսյանն այսօր Գյումրիում իր կանխատեսումներն է ներկայացրել առաջիկա ընտրությունների արդյունքների վերաբերյալ։
«Մենք գնում ենք խորհրդարան, մեր լինելը խորհրդարանում անհրաժեշտ է ցանկացած իշխանության, որովհետև էդ եղածները կռիվ են անում, թե ով է Վլադիմիր Վլադիմիրովիչին ավելի մոտիկ»,- ասել է նա։
Արամ Սարգսյանը կարծիք է հայտնել, որ նրանք, որոնք դաշինքով են գնում, 7 տոկոս հաղթահարելու խնդիր ունեն, այդ թվում նաև՝ երկրորդ նախագահի դաշինքը։
«Բոլորը 7 տոկոս հաղթահարելու խնդիր ունեն։ Մենք 5 տոկոսը հաղթահարելու խնդիրը չունենք։ Երեկոյան ժամերին հետևում եմ քարոզարշավին, տեսնում եմ ու տպավորություն ունեմ, որ Նիկոլ Փաշինյանը նորից կարող է 70-72 տոկոս քվե հավաքել, որովհետև այն հավաքները, որ մենք ենք անում, բավականին աշխատանք ենք դնում և 400-500 մարդ է հավաքվում, ինքը մի կոչ է անում, երեկոյան Երևանի ամբողջ փողոցները լցվում են ժողովուրդով։ Եվ այստեղ երկրորդ նախագահը փորձում է 7 տոկոսը հաղթահարելով՝ իրեն ցույց տալ էդ կռվում ու տպավորություն ունեմ, որ երկու կողմին էլ դա բավարարում է, երկու կողմին էլ ձեռնտու է։ Ակնհայտ է՝ Նիկոլ Փաշինյանի վարկանիշը շատ բարձր է, այդտեղ բանավիճելու խնդիրը չկա, ես կարծում եմ՝ Ռոբերտ Քոչարյանն էլ շատ լավ հասկանում է, իսկ մենք մտնում ենք քաղաքական դաշտ՝ բալանսավորելու»,- հավելել է Սարգսյանը։
Արմիկ Մովսիսյան
