01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Իրանն ու ԱՄՆ մոտենում են պատժամիջոցները չեղարկելու եզրագծին
Քաղաքականություն
14.06.2021 | 16:47
Իրանի ԱԳ նախարարը հայտարարել է, որ համաշխարհային գերտերություններին շատ քիչ ժամանակ է մնացել՝ չլուծված տարաձայնությունները 2015 թվականի միջուկային գործարքի վերագործարկման պայմաններում կարգավորելու համար։ Սրա հետ մեկտեղ, Իսլամական Հանրապետության ԱԳՆ-ից հիշեցրել են, որ սույն համաձայնագիրը կնքվել է նաև երկրի էներգետիկ ոլորտից սահմանափակումների չեղարկման համար, փոխանցում է Bloomberg-ը։
Իրանի ԱԳՆ պաշտոնական ներկայացուցիչ Սաիդ Խաթիբզադեն նշել է, որ «խնդիրներից և ոչ մեկը չի եղել անիրագործելի բանակցողների համար», որոնք գտնվում են Վիեննայում ու շարունակում են խորհրդակցությունները Թեհրանի ու Վաշինգտոնի միջև Իրանի միջուկային ծրագրի շուրջ համատեղ համապարփակ համաձայնագրի կնքնման համար։
Միաժամանակ, Իրանի ԱԳՆ-ն չի հայտնել էներգետիկ ոլորտում պատժամիջոցների չեղարկման մասին համաձայնագրի մանրամասները։
Հիշեցնենք՝ 2018 թվականի նոյեմբերին ԱՄՆ նախկին վարչակազմը՝ Դոնալդ Թրամփի գլխավորությամբ, լիակատար էմբարգո է կիրառել Իրանից նավթի արտահանման վրա՝ իր գործընկերներին ու դաշնակիցներին ստիպելով, որպեսզի նրանք հրաժարվեն Թեհրանից հեղուկ ածխաջրածին գնելուց։
Տաթև Ֆռանգյան
