14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Ֆիլիպ Ռիքեր. Վրաստանը չունի ավելի հուսալի և ուժեղ գործընկեր, քան Միացյալ Նահանգները
Քաղաքականություն
09.06.2021 | 18:41
Թբիլիսիից մեկնարկել է պետքարտուղարության բարձրաստիճան պաշտոնյայի տարածաշրջանային այցը Հարավային Կովկասի երկրներ. գրում է VOA-ն:
Վրաստանը Հարավային Կովկասում, ինչպես նաև Սևծովյան տարածաշրջանում, Միացյալ Նահանգների և Բայդենի վարչակազմի հիմնական գործընկերն է: Այս մասին հայտարարել է Եվրոպայի և Եվրասիայի հարցերով փոխպետքարտուղարի պաշտոնակատար Ֆիլիպ Ռիքերը հունիսի 7-ին Վրաստան կատարած այցի ընթացքում:
«Նախագահ Բայդենը շատ հստակ և միանշանակ նշել է, որ մենք ձգտում ենք ավելի կայուն և կանխատեսելի հարաբերությունների Ռուսաստանի հետ: Սակայն դա մեզ չի կանգնեցնի, մենք չենք լռելու և միշտ կբարձրաձայնենք Ռուսաստանի գործողությունների մասին: Դրանց թվում է, իհարկե, Վրաստանի տարածքի 20% -ի գրավումը, և, ինչպես արդեն նշեցի, սա է Սպիտակ տան ուղերձը: Մենք մնում ենք Վրաստանի շատ ամուր գործընկերը այս ուղեգծի և եվրաատլանտյան ինտեգրման ճանապարհին: Վրաստանն ԱՄՆ-ից ավելի հուսալի ու ուժեղ գործընկեր չունի », – ասել է Ռիքերը:
Այցի ընթացքում փոխպետքարտուղարի պաշտոնակատարը հանդիպել է հասարակական կազմակերպությունների ներկայացուցիչների, վարչապետ Իրաքլի Ղարիբաշվիլիի, արտգործնախարար Դավիթ Զալկալիանիի, պաշտպանության նախարար Ջուանշերոն Բուրչուլաձեի և ընդդիմության պատգամավորների հետ: Ֆիլիպ Ռիքերը հունիսի 7-ին այցելել է նաեւ օկուպացված Ցխինվալիի շրջանի հարակից տարածք:
Առավել մանրամասն՝ սկզբնաղբյուր կայքում:
