09.06.2026 | 13:05
Մենք կսկսենք նաև մեքենայի ներսում արձանագրել վարչական իրավախախտումը, այն է՝ հեռախոսը․ փոխնախարար․ ՏԵՍԱՆՅՈՒԹ
ԱՆ-ն դիմել է Ազգային ժողով` էթիկայի հանձնաժողով կազմավորելու խնդրանքով
Քաղաքականություն
08.06.2021 | 17:50
Առողջապահության նախարարությունը պատգամավորական էթիկայի հարցով ժամանակավոր հանձնաժողով կազմավորելու խնդրանքով դիմել է Ազգային ժողով` պատգամավոր Տիգրան Ուրիխանյանի կողմից պատգամավորական էթիկայի կանոնների խախտման հանգամանքի վերաբերյալ ուսումնասիրություն կատարելու առնչությամբ. տեղեկացնում են ՀՀ ԱՆ-ից:
«Հիշեցնենք, որ Ազգային ժողովի յոթերորդ գումարման վեցերորդ նստաշրջանի 2021 թվականի հունիսի 3-ին կայացած նիստի ընթացքում պատգամավոր Տիգրան Ուրիխանյանը առողջապահության նախարարի տեղակալ Գևորգ Սիմոնյանի հետ հարցուպատասխանի ընթացքում անհարգալից, ոչ պատշաճ, էթիկայի կանոնները խախտող արտահայտություններ է հնչեցրել բժիշկների և բուժաշխատողների հասցեին»,- ասված է հաղորդագրությունում:
Նշենք, որ պատգամավոր Ուրիխանյանը ՀՀ առողջապահության փոխնախարարի պաշտոնակատար Գևորգ Սիմոնյանից մասնավորապես հարցրել էր. «Հայվան բառի իմաստը գիտե՞ք՝ անասուն, կենդանի, կենդանակերպ, կենսաբանական օրգանիզմ… Առողջապահության նախարարության պատասխանատուներից ու պաշտոնյաներից ո՞ր կենսաբանական օրգանիզմն է պատասխան տալու տեղի ունեցածի համար։ Չնկարագրեմ, թե ինչ խայտառակ վիճակում են հայտնվել զինվորների մասունքները»:
