31.07.2026 | 13:29
Նարեկ Կարապետյանի առանձնատան խուզարկությունն ավարտվել է, ոչինչ չեն տարել. Դավիթ Ղազինյան․ ՏԵՍԱՆՅՈՒԹ
ԱՄՆ պետքարտուղարի օգնականը տարածաշրջանային այցի շրջանակում Ադրբեջանում է
Քաղաքականություն
08.06.2021 | 15:18
Եվրոպայի ու Եվրասիայի հարցերով ԱՄՆ պետքարտուղարի օգնական Ֆիլիպ Ռիքերը ժամանել է Ադրբեջան։ Այս մասին հայտնում են ադրբեջանական լրատվամիջոցները՝ վկայակոչելով իրենց դիվանագիտական աղբյուրներին։
Ըստ այդ տեղեկությունների՝ այցը կտևի 2 օր։
Ավելի վաղ ԱՄՆ Պետքարտուղարությունը հաղորդել էր, որ Ռիքերի այցի նպատակն է երկկողմ ու տարածաշրջանային առաջնահերթությունների զարգացումն ու տարածաշրջանում ժողովրդավարական ու դեմոկրատական զարգացման աջակցումը։ Ադրբեջանում ԱՄՆ պետքարտուղարի օգնականը կհանդիպի իշխանության ներկայացուցիչների, քաղաքացիական հանրության ու գործարարների հետ, կքննարկի Լեռնային Ղարաբաղում ստեղծված իրավիճակի հետ կապված հարցեր։
Ֆիլիպ Ռիքերն արդեն այցելել է Վրաստան։ Ադրբեջան այցից հետո նա կլինի նաև Հայաստանում։
Տաթև Ֆռանգյան
