04.04.2026 | 20:03
ՃՏՊ՝ հրդեհի բռնկմամբ
Ադրբեջանը ականի վրա պայթած լրագրողների մահվան մեջ մեղադրել է Հայաստանին
Քաղաքականություն
04.06.2021 | 17:38
Ադրբեջանի ԱԳ նախարարությունը հայտարարությամբ է հանդես եկել, որում Լեռնային Ղարաբաղի գրավյալ Քարվաճառի շրջանում հակատանկային ականի վրա պայթած ադրբեջանցի լրագրողների մահվան մեջ մեղադրել է Հայաստանին, հայտնում է «Ինտերֆաքսի» ադրբեջանական ծառայությունը։
Ադրբեջանական գերատեսչությունն ավելի հեռուն է գնացել և կոչով դիմել է միջազգային հանրությանը՝ «աչքերը չփակել հայերի կողմից ականների դիտավորյալ տեղակայման քաղաքականությանը և պահանջել Հայաստանից միջազգային իրավունքի իր պարտականությունների կատարում»։
Հիշեցնենք՝ այսօր ավելի վաղ Արցախի գրավյալ Քարվաճառի շրջանում ադրբեջանցիների՝ ականի վրա պայթելու հերթական դեպքն է տեղի ունեցել։ Տեղական լրատվամիջոցների հաղորդմամբ՝ Քարվաճառում ականի վրա պայթել է Ադրբեջանի ՊՆ ավտոմեքենան, ինչի հետևանքով մահացել են AZTV-ի ու «Ազերթաջ»-ի լրագրողներ Սիրաջ Աբիշովն ու Մագերամ Իբրահիմովը։ AZTV-ն հայտնում է նաև մեկ այլ աշխատակցի՝ ռեժիսոր Էմին Մամեդովի, ինչպես նաև վարորդի ու քաղաքացիական անձի վիրավորվելու մասին։ Վիրավորներից մեկը ևս ավելի ուշ մահացել է։
Տաթև Ֆռանգյան
