16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Հնդկաստանում SARS-CoV-2-ի 3 նոր շտամ է հայտնաբերվել, որոնք վարակում են պատվաստված մարդկանց
Քաղաքականություն
04.06.2021 | 19:04
Հնդիկ բժիշկները հայտնաբերել են SARS-CoV-2 կորոնավիրուսի երեք շտամ, որոնցով վարակվել են պատվաստված մարդիկ։ Այս մասին ասված է Դելիի Համահնդկական բժշկական գիտությունների ինստիտուտի և Գենոմիկայի և ինտեգրացիոն կենսաբանության ինստիտուտի ուսումնասիրությունների զեկույցում:
Ուսումնասիրության մեջ ասվում է, որ լրիվ կամ մասնակի պատվաստումներ ստանալուց հետո COVID-19 հիվանդությամբ վարակման 63 դեպք է գրանցվել: Վարակը հայտնաբերվել է 41 տղամարդու և 22 կնոջ մոտ, որոնց միջին տարիքը 37 է: Վարակվածներից 10-ը՝ պատվաստվել է Covishield պատվաստանյութով, 53-ը ՝ Covaxin-ով:
«Հիվանդներից ոչ մեկի մոտ չի եղել ուղեկցող որևէ հիվանդություն, որը կարող էր նպաստել ինֆեկցիայի ներթափանցմանը»,- ասված է հնդիկ բժիշկների ուսումնասիրության մեջ։
India Today-ի հաղորդմամբ՝ Դելիի Համահնդկական բժշկական գիտությունների ինստիտուտի տվյալներով՝ արդեն իսկ պատվաստված ու վարակված անձանց շարքում 2021 թ. ապրիլ-մայիս ամիսների ընթացքում մահվան դեպքեր չեն գրանցվել։
Տաթև Ֆռանգյան
