Քաղաքականություն
04.06.2021 | 15:22«Ձեր դաշինքի առաջնորդը երբ ՀՀ ղեկավարն էր, այս դահլիճում տեղի է ունեցել ոճրագործություն, սարսափելի հոկտեմբերի 27։ Այս դահլիճում գլխատվել է ՀՀ-ն, որի համար որևէ մեկը պատասխանատվություն չի կրել, իսկ ձեր առաջին համարն ասել է, թե դա սովորական «ուչաստկովի գործ» է»,- ԱԺ արտահերթ նիստում այսօր, դիմելով պատգամավոր Աննա Գրիգորյանին, հայտարարեց «Իմ քայլի» պատգամավոր Արփի Դավոյանը՝ անդրադառնալով նրա փաստարկներին այն մասին, թե ինչու է Ռոբերտ Քոչարյանը հրաժարվել նախընտրական հրապարակային բանավեճից:
«Ու դուք դեռ երես ունեք այս ամբիոնից խոսելու Արցախը հանձնելու, դավաճանության մասին՝ խոսքը համեմելով մանր ու մեծ ստերով՝ ասելով, թե ունենք 5000 զոհ։ Հաճույք եք ստանո՞ւմ սխալ թվեր ասելիս։ Հաճույք եք ստանո՞ւմ, որ ասում եք 5000 զոհ ունենք»,- Աննա Գրիգորյանին հարցադրում հղեց Արփի Դավոյանը։
Նա համոզմունք հայտնեց, որ Աննա Գրիգորյանի պես անձինք արժանի չեն եղել իրենց խմբակցության անդամը լինելուն և հիմա գտել են իրենց արժանի տեղը։
Հիշեցնենք՝ Աննա Գրիգորյանը դուրս է եկել «Իմ քայլը» խմբակցությունից և այժ Ռոբերտ Քոչարյանի դաշինքի պատգամավորության թեկնածու է:
Մանրամասները՝ տեսանյութում:
