Հասարակություն
03.06.2021 | 13:05Չեմ պատրաստվում ներողություն խնդրել, տիկին Թովմասյանը թող ներողություն խնդրի: Այս մասին ԱԺ-ում լրագրողների հետ զրույցում նշեց ԱԺ փոխնախագահ Լենա Նազարյանը՝ անդրադառնալով դիտարկմանը, որ պատգամավոր Թագուհի Թովմասյանը ԱԺ ամբիոնից պահանջել է ներողություն խնդրել՝ ելույթից հետո իրեն «իդիոտկա» անվանելու համար։
«Թովմասյանն ինքը պետք է ներողություն խնդրի, որ, լինելով «Իմ քայլը» խմբակցության անդամ, իրականում եղել է ոչ թե թիմի և «Իմ քայլը» խմբակցության անդամ, այլ իր թերթի թղթակից և խմբակցության նիստերին մասնակցել է բացառապես էդ նպատակով»,- ասաց Նազարյանը։- Թող Թովմասյանը ներողություն խնդրի, որ եկել է մեր խմբակցություն՝ առաջին իսկ հարմար պահին դուռը մեր երեսին շխկացնելու և հաջորդ ցուցակ գնալու, այնտեղից օգուտներ ստանալու համար: Թող ներողություն խնդրի նրա համար, որ պատերազմից հետո դուրս է եկել խմբակցությունից և հայտարարել, որ պատասխանատվությունը մերն է, այն դեպքում, երբ ամբողջ պատերազմի ընթացքում նա նույնպես եղել է մեր խմբակցության անդամ»:
Մանրամասները տեսանյութում:
