Հասարակություն
03.06.2021 | 12:38«Տիկի՛ն Նազարյան, ամբիոնից պահանջում եմ ներողություն խնդրեք Ձեր լկտի վարքագծի համար, այլապես շատ ավելի կոշտ եմ գտնվելու»,-ԱԺ ամբիոնից դիմելով ԱԺ նախագահին՝ նշեց պատգամավոր Թագուհի Թովմասյանը:
«Փոխանակ ներողություն խնդրեք, որ Ձեր իշխանությունը դիակները պղծել է. լցրել եք կարտոֆիլի տոպրակների մեջ, և քննադատությանը պատասխանում եք վիրավորանքո՞վ։ Ամաչեք ուղղակի, էս ի՞նչ վարքագիծ է, ի՞նչ եք ուզում ապացուցել:
Այս պատերազմն ուղղակի հետևանք է թողել իմ մաշկի վրա, ես դա զգում եմ։ Դուք այստեղ՝ Երևանում, նստած, ոչնչից տեղյակ չեք, չեք զգում ինչ է կատարվում Հայաստանում, չեք զգում թշնամու մուտքը… Դուք հասկանո՞ւմ եք ընդհանրապես Ձեր կարգավիճակի լրջությունը, պաշտոնի կարևորությունը։ Մի հատ սթափվեք և հետևություններ արեք»,- նշեց Թովմասյանը։
«Տիկին Թովմասյան, եթե ես չեմ խոսում իմ զգացմունքների ու ապրումների մասին, չի նշանակում՝ ես չեմ զգում և չեմ ցավում։ Մենք էլ ենք մարդ ու մենք էլ համբերություն ունենք», – արձագանքեց Լենա Նազարյանը և ներողություն չխնդրեց:
Հիշեցնենք՝ ԱԺ պատգամավոր Թագուհի Թովմասյանն այսօրվա իր ելույթում ԱԺ ամբիոնից քննադատեց իշխանության ներկայացուցիչների վերաբերմունքը և դիրքորոշումը`զինծառայողների դիերի ու մասունքների պահման փաստին վերաբերյալ։
«Այս պայթյունավտանգ իրավիճակում ո՞րն է պետության մեսիջը՝ որ վաղը դուք վերածվելու եք պարկերում լցված դիակների որևէ սենյակում գցած: Սա ամենավատ բանն էր, որ կարող էր տեղի ունենալ: Ես կարծում եմ,որ այս մասով միայն ներողությունները բավարար չեն»,- նշեց Թովմասյանը:
Նրա ելույթից հետո ԱԺ փոխնախագահ Լենա Նազարյանը ցածրաձայն ասաց. «իդիոտկա», բայց քանի որ խոսափողը միացված էր, դահլիճում լսվեց նրա ասածը։
Մանրամասները՝ տեսանյութում:
