Հասարակություն
03.06.2021 | 12:28ԱԺ պատգամավոր Թագուհի Թովմասյանն այսօրվա իր ելույթում ԱԺ ամբիոնից քննադատեց իշխանության ներկայացուցիչների դիրքորոշումը` զինծառայողների դիերի ու մասունքների ոչ պատշաճ պահման փաստի վերաբերյալ, և դրան հաջորդած՝ առողջապահության նախարարի պաշտոնակատարի հայտարարություններին:
«Այս պայթյունավտանգ իրավիճակում ո՞րն է պետության մեսիջը՝ որ վաղը դուք վերածվելու եք պարկերում լցված դիակների՝ որևէ սենյակում գցա՞ծ: Սա ամենավատ բանն էր, որ կարող էր տեղի ունենալ: Ես կարծում եմ, որ այս մասով միայն ներողությունները բավարար չեն»,- նշեց Թովմասյանը:
Նրա ելույթից հետո ԱԺ փոխնախագահ Լենա Նազարյանը ցածրաձայն արձագանքեց. «Իդիոտկա»: Եվ քանի որ խոսափողը միացված էր, դահլիճում լսվեց նրա ասածը։
