19.11.2024 | 13:30
ԱՄՆ-ը նախազգուշացրել է Թուրքիային՝ չհյուրընկալել ՀԱՄԱՍ-ի առաջնորդներին
ՊԵԿ նախագահը և լրագրողը վիճեցին. ՏԵՍԱՆՅՈՒԹ
Հասարակություն
03.06.2021 | 12:20
Պետական եկամուտների առաջին հինգ ամիսների աճը ապահովվել է ՀՀ-ում տեղի ունեցած ապրանքների գնաճի և կազմակերպված, հետևողական վարչարարության արդյունքում։ Այս մասին լրագրողների հետ ճեպազրույցի ընթացքում ասաց ՊԵԿ նախագահ Էդվարդ Հովհաննիսյանը։
«Խոսքը հիմնականում ոչ թե տնտեսական աճի արդյունքում հարկային եկամուտների ավելացման մասին է, այլ գնաճի և ստվերի դեմ պայքարի, բայց չենք կարող չնշել տնտեսական դաշտում տեղի ունեցող որոշակի ակտիվությունները, ինչի մասին վկայում է Վիճակագրական կոմիտեի կողմից ներկայացված տեղեկատվությունը, որ 2021 թ-ի ընթացքում ընդհանուր ամիսների պատկերով ունենք 2․6 տոկոս տնտեսական ակտիվության ցուցանիշ»,- ասաց Հովհաննիսյանը:
ՊԵԿ նախագահն արձագանքելով «Հրապարակ» օրաթերթի լրագրողի հարցին՝ նշեց, որ չի ուզում պատասխանել նրա հարցին՝ կարծիք հայտնելով, որ նա «լրագրող չէ, այլ քաղաքական հետապնդումներ իրականացնող»:
Լրագրողը ՊԵԿ նախագահին կոռեկտության կոչ արեց և պահանջեց գնահատականներ չտալ:
«Չբարձրացնես ձայնդ»,- արձագանքեց ՊԵԿ նախագահը:
Մանրամասները՝ տեսանյութում:
