09.06.2026 | 15:50
Ընտրակաշառքի համար՝ բանտ մինչև հաջորդ ընտրություններ․ Փաշինյանի հանձնարարականը․ ՏԵՍԱՆՅՈՒԹ
Իսրայելը կապ է տեսնում Pfizer-ի պատվաստանյութով պատվաստումների ու միոկարդիտի առաջացման միջև
Քաղաքականություն
02.06.2021 | 21:07
Իսրայելի Առողջապահության նախարարությունն այսօր հայտարարել է, որ հետազոտությունների արդյունքներով հայտնաբերել է սրտի բորբոքման դեպքեր, որոնք գրանցվել են գլխավորապես Pfizer ընկերության COVID-19-ի դեմ պատվաստանյութը ստացած երիտասարդների մոտ, գրում է Reuters-ը։
Pfizer-ից, սակայն, հայտարարել են, որ չեն դիտարկվել միոկարդիտի ավելի դեպքեր, քան սովորաբար գրանցվում է բնակչության շրջանում:
Իսրայելում 2020 թվականի դեկտեմբերից 2021-ի մայիսն ընկած ժամանակահատվածում գրանցվել է միոկարդիտի 275 դեպք շուրջ 5 միլիոն պատվաստվածների շրջանում։ Այս մասին ասված է Իսրայելի ԱՆ-ի կողմից իրականացված ուսումնասիրության արդյունքներում։
Հիվանդները, որոնց մոտ գրանցվել է սրտի բորբոքում, մեծ մասամբ հիվանդանոցում են անցկացրել 4 օր, դեպքերի մեծ մասը դասակարգվել է որպես մեղմ։ Տեղեկացվում է, որ պատվաստման հետ կապված խնդիրներն ավելի հաճախ գրանցվել են 16-19 տարեկան տղամարդկանց շարքում։
Տաթև Ֆռանգյան
