01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Բելառուսը Ռուսաստանից ստացել է 500 միլիոն դոլար վարկի երկրորդ տրանշը
Քաղաքականություն
02.06.2021 | 19:44
Բելառուսի ֆինանսների նախարարությունն այսօր՝ հունիսի 2-ին, Ռուսաստանից ստացել է պետական վարկի երկրորդ տրանշը։ Վարկի ընդհանուր գումարը կազմում է 1 միլիարդ ԱՄՆ դոլար։ Առաջին տրանշը՝ 500 միլիոն ԱՄՆ դոլարը, Մինսկը ստացել է 2020 թվականի դեկտեմբերին, գրում է «Կոմերսանտը»։
500 միլիոն դոլարի չափով երկրորդ տրանշի ստացման մասին հայտնել է Բելառուսի ֆինանսների նախարարության մամլո ծառայությունը։ Մամուլի հաղորդագրության մեջ նշվում է, որ գումարը տրամադրվել է Բելառուսի և Ռուսաստանի Դաշնության կառավարությունների միջև համաձայնագրի համապատասխան, որը կնքվել է 2020 թվականի դեկտեմբերի 21-ին:
Հավելենք, որ Ռուսաստանն ու Բելառուսը համաձայնեցրել են 1.5 միլիարդ դոլարի վարկի տրամադրումը 2020 թվականի սեպտեմբերին: Դրանցից 1 միլիարդ դոլարը ՝ միջպետական վարկ է, մնացած 500 միլիոն դոլարը ՝ կայունացման և զարգացման եվրասիական հիմնադրամից է հատկացվելու:
Տաթև Ֆռանգյան
