14.10.2026 | 19:03
Նախկին ՀՀԿ-ականներ, դաշինքներ՝ ՔՊ-ի հետ, թույլ մրցակցություն․ ի՞նչ սպասել Գեղարքունիքի ՏԻՄ ընտրություններից
Երևանում արձանագրվել են բոտուլիզմի դեպքեր
Հասարակություն
21.02.2018 | 19:24
Երևանում արձանագրվել է բոտուլիզմի 2 դեպք՝ 2 տուժածով, տեղեկացնում է ՀՀ առողջապահության նախարարության մամուլի ծառայությունը:
Ներկա պահին տուժածների վիճակը գնահատվում է միջին ծանրության:
ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի տվյալներով` բոտուլիզմի առաջացման պատճառը տնային պայմաններում պահածոյացված բանջարեղենն է: Թունավորման առաջին ախտանշաններ են` սրտխանոցը, գլխապտույտը, տեսողության վատացումը:
Բոտուլիզմից և դրա ծանր հետևանքներից խուսափելու համար մասնագետները զգուշացնում են`
• մի՛ օգտագործեք տնային պայմաններում պատրաստված պահածոներ,
• տնային պայմաններում պատրաստված պահածոներն օգտագործելուց առաջ անպայման ենթարկեք ջերմային մշակման` պահածոյի պարունակությունը եռացնելով առնվազն 20-25 րոպե,
• առաջին ախտանշաններն ի հայտ գալուն պես անմիջապես դիմել բժշկի, քանի որ ժամանակին բժշկական օգնություն ցուցաբերելով հնարավոր է փրկել հիվանդի կյանքը:
