09.06.2026 | 17:44
Կոբախիձեն հայտարարել է, որ Նիկոլ Փաշինյանը մեծ դեր է խաղացել հայ-վրացական հարաբերությունների ամրապնդման գործում
2020-ին ինքնասպանության 18 դեպք է գրանցվել, հիմա՝ արդեն 4-րդը․ շատ կասկածելի դեպքեր են․ Ալեքսանյան. ՏԵՍԱՆՅՈՒԹ
Հասարակություն
26.05.2021 | 14:19
2020-ին ինքնասպանության 18 դեպք է գրանցվել, հիմա՝ արդեն 4-րդը. շատ կասկածելի դեպքեր են: Այս մասին «Մահվան դեպքեր բանակում՝ պատերազմից հետո» թեմայով առցանց քննարկման ժամանակ նշեց «Լրագրողներ հանուն մարդու իրավունքների» ՀԿ-ի նախագահ, իրավապաշտպան Ժաննա Ալեքսանյանը:
«Զինվորին միշտ վատ են վերաբերվել բոլոր ժամանակներում»,- նշեց Ժաննա Ալեքսանյանը: Նրա խոսքով՝ պատերազմից հետո անգամ մի քանի օրով արձակուրդ չէր տրվում այն զինվորներին, որոնք ընկերներ էին կորցրել, 44 օր դաժան տեսարանների ականատես են եղել, սթրեսներ են տարել, մինչդեռ զինվորների նկատմամբ պետք է արժանապատիվ վերաբերմունք ցուցաբերել:
Իրավապաշտպանի դիտարկմամբ՝ բացարձակապես ոչինչ չի փոխվել բանակում հեղափոխությունից հետո:
«Արդյոք իշխանությունից որևէ մեկը գնա՞ց երեկ զոհված զինծառայողի տուն, տեսներ՝ ով էր նա և ում պատճառով զոհվեց: Այդ զինվորը զոհվեց իրենց ապաշնորհ քաղաքականության հետևանքով: Անտարբերությունը միշտ եղել է, բայց հիմա կա առավել ևս… Որևէ մեկը չի մտածել փոփոխությունների մասին:
Երբ Նիկոլ Փաշինյանը եկավ իշխանության, նրա առաջին գործը պետք է լիներ զինվորի կյանքի իրավունքը, բայց ոչինչ չարեցին»,- նշեց իրավապաշտպանը:
Մանրամասները՝ տեսանյութում:
