17.04.2026 | 21:54
Վրաստանի, Հայաստանի և Ադրբեջանի միջև համագործակցությունն ընդլայնվում է. Հաջիև
Ի՞նչ խնդիրներ կարող են առաջանալ առաջին դասարանցիներին հայտագրելիս․ ներկայացնում է Արտակ Պողոսյանը
Հասարակություն
24.05.2021 | 12:20
Արդեն երրորդ տարին է ՀՀ-ում գործում է էլեկտրոնային հայտագրման համակարգը, այն կրում է համապետական բնույթ: Բոլոր այն ուսումնական հաստատություններում, որոնք բնակավայրում միակը չեն, երեխային առաջին դասարան ընդունելությունը կատարվում է էլեկտրոնային հայտագրման միջոցով: Այս մասին ՀՀ պետական հանրակրթական դպրոցներում առաջին դասարանցիների ընդունելության գործընթացի վերաբերյալ ասուլիսում նշեց Կրթական տեխնոլոգիաների ազգային կենտրոնի տնօրեն Արտակ Պողոսյանը:
«Նախարարությունը հայտարարել է, որ նախևառաջ անհրաժեշտ է ստուգել երեխաների տվյալները stugum.emis.am կայքի միջոցով որպեսզի հայտագրման ժամանակ ծնողները ավելորդ խոչընդոտների չհանդիպեն»,- նշեց Պողոսյանը:
Կրթական տեխնոլոգիաների ազգային կենտրոնի տնօրենն անդրադարձավ այն խնդիրներին, որոնք կարող են առաջանալ առաջին դասարանցիներին հայտագրելիս: «Երեխայի կամ ծնողի փաստաթուղթը կարող է թվայնացված չլինել, և այդ դեպքում համակարգը չի կարողանա գտնել ծնող-երեխա կապը և թույլ չի տա երեխային հայտագրել… Եթե արդեն պատասխանն ստանում են, ծնողները այլևս ոչ մի բան չպետք է անեն… Հայտագրումից հետո ստանալու են pin կոդ, որը միայն այն դեպքում է անհրաժեշտ լինելու, եթե ծնողը ցանկանում է չեղարկել հայտագրումը:
Մանրամասները՝ տեսանյութում:
