13.06.2026 | 14:16
NYMEX․ Ոսկու գինն աճել է
«Ուժեղ ձայն եկավ՝ դուրս թափվեցինք»․ բնակիչները՝ Վրացական փողոցում տեղի ունեցած պայթյունի մասին (լուսանկարներ, տեսանյութ)
Հասարակություն
20.02.2018 | 12:22
Այսօր առավոտյան Արաբկիր վարչական շրջանի Վրացական փողոցի 10-րդ հասցեում պայթյուն էր որոտացել։ Ըստ նախնական տեղեկությունների՝ առաջին հարկի բնակարանից է պայթյունը եղել, որտեղ վերանորոգման աշխատանքներ էին տարվում։
Ականատեսները Factor.am -ին պատմեցին, որ պայթյունի պահին բնակարանում ոչ ոք չի եղել։ Տուժած բնակիչներ չկան։ Սակայն տասը մեքենա է վնասվել։ Մեքենաների տերերից մեկն ասաց, որ ԱՊՊԱ գործակալությունից իրեն ասել են, որ մեքենայի վերանորոգման աշխատանքներն իրենց հետ կապ չունեն։
Մեքենայից բացի փլուզվել է նաև քաղաքացու բնակարանը։ Դեպքի վայր էին եկել թաղապետն ու փոխքաղաքապետը։ Կամո Արեյանը լրագրողներին հայտնեց, որ տարածքի ուսումնասիրության և քննարկումներից հետո պարզ կդառնա, թե ինչպես է լուծվելու փողոցում հայտնված բնակիչների հարցը։
Մանրամասները՝ տեսանյութում:
Լիլիթ Շաբոյան
