17.12.2025 | 14:23
ԱԺ-ն ընդունեց «Առողջության համընդհանուր ապահովագրության մասին» օրենքը
Սերժ Սարգսյանի պաշտպանը կդիմի Վերաքննիչ դատարան. ՏԵՍԱՆՅՈՒԹ
Հասարակություն
14.05.2021 | 15:44
ՀՀ երրորդ նախագահը չի կարող կատարել մի արարք, որը գործի քննությանը կխոչընդոտի: Մենք դատարանի որոշման հետ, խափանման միջոցի մասով ունենք սկզբունքային անհամաձայնություն: Այս մասին լրագրողների հետ զրույցում ասաց ՀՀ երրորդ նախագահ Սերժ Սարգսյանի փաստաբան Ամրամ Մակինյանը:
Նշենք, որ այսօր դատարանը չբավարարեց փաստաբանների միջնորդությունը՝ Սերժ Սարգսյանի և Բարսեղ Բեգլարյանի նկատմամբ ընտրված խափանման միջոցը վերացնելու մասին։ Սերժ Սարգսյանի և Բարսեղ Բեգլարյանի նկատմամբ որպես խափանման միջոց է ընտրվել ստորագրությունը՝ չհեռանալու մասին։
Փաստաբանն ասաց, որ գործի քննությանը խոչընդոտելու ռեալ բոլոր հնարավորությունները վերացած է ընդհանրապես: Մակինյանը հավելեց, որ պատրաստվում է բողոքարկել դատարանի որոշումը։
«Մարդիկ պետք է հասկանան, որ գործ ունենք մի մարդու հետ, որը 10 տարի եղել է գլխավոր գերագույն հրամանատար: Նա 1992թ-ից մինչև 2016 թվականը շան ծեծ է տվել ադրբեջանական բանակին, նրա ձեռքը հրաման տալուց չի դողացել: Եվ այդ հրամանատարին կասկածե՞լ, որ կարող է կատարել 135-րդ հոդվածով նախատեսված գործողություններից մեկը` խոչընդոտել կամ թաքնվել: Ումի՞ց թաքնվի, ինչպե՞ս: Դատարանի պատճառաբանություններն ինձ համար ընդունելի չեն: Ես բողոքարկելու եմ այդ որոշումը»,-շեշտեց Մակինյանը:
Մակինյանը նաև հայտնեց, որ երեկ իրենք դատարանին են ներկայացրել մի շարք փաստաթղթեր, որոնք չկան քրեական գործում։
Մանրամասները՝ տեսանյութում:
