Հասարակություն
13.05.2021 | 11:45ՀՀ ԿԳՄՍ նախարարության 2021թ.-ի բյուջեն 500 մլն դրամով կավելանա։ Կառավարության այսօրվա նիստում գործադիրը հավանություն տվեց համապատասխան նախագծի որոշմանը:
ԿԳՄՍ նախարարի պաշտոնակատար Վահրամ Դումանյանը նշեց, որ նախատեսվում է գումարը հատկացնել ՀՀ քաղաքաշինության կոմիտեին՝ փոքրաթիվ երեխաներով համալրված 5 դպրոցի մոդուլային շենքերի կառուցման աշխատանքների մեկնարկն ապահովելու համար։
«Նախագծով նախատեսվում է հինգ հանրակրթական դպրոցի մոդուլային շենքերի կառուցում, մեկը՝ Գեղարքունիքի մարզում, երկուսը՝ Շիրակի մարզում, ևս երկուսը՝ Վայոց ձորի մարզում։ Կրթական հաստատությունների շենքային պայմանների բարելավման գործընթացը կրում է շարունակական բնույթ։ Արդեն մեկնարկել և ընթանում են թվով 15 դպրոցի մոդուլային շենքերի կառուցման աշխատանքները»,-նշեց Վահրամ Դումանյանը։
Մանրամասները՝ տեսանյութում:
