07.10.2026 | 23:48
Արթուր Դանիելյանը կալանավորվեց
Գիտության ոլորտում աշխատավարձերը մինչև 2025 թ. կբարձրանա` հասնելով 500 հազար դրամի
Հասարակություն
13.05.2021 | 11:34
ԿԳՄՍ նախարարի պաշտոնակատար Վահրամ Դումանյանը կառավարության այսօրվա նիստում ներկայացրեց կառավարության 2001թ. 11.21 որոշման մեջ փոփոխություններ կատարելու որոշման նախագծի փաթեթը, որով նախատեսվում է նորմավորել և սահմանել պետական ֆինանսավորման ծրագրերում ներգրավված գիտաշխատողների նվազագույն աշխատավարձերի սանդղակը:
Նախարարի խոսքով՝ աշխատավարձերն ավելացվելու են ատեստավորման հիման վրա: «Այժմ գիտաշխատողի ամսական միջին աշխատավարձը 94 400 դրամ է, ներկայացված նախագծի ընդունումից հետո՝ 2025թ., այն կդառնա 276 000 դրամ: Նախատեսվում է 2022թ. ավելացնել ֆինանսավորումը 3,6 մլրդ դրամով, 2023-ին՝ 2,2 մլրդ դրամով, 2024-ին՝ 2,4 մլրդ դրամով և 2025-ին՝ 2 մլրդ դրամով»,-նշեց Դումանյանը:
ՀՀ փոխվարչապետի պաշտոնակատար Տիգրան Ավինյանը հավելեց, որ բազային ախատավարձերի չափաքանակը հաջորդ տարվանից կրկնապատկվելու է, բազային աշխատավարձի ֆոնդը այսօրվա 4 մլրդ-ի փոխարեն 7,7 -7,78 մլրդ դրամ է կազմելու, 2025թ. հասնելու է 14.4 մլրդ դրամի:
Փոխվարչապետի խոսքով՝ եթե, օրինակ, 2021 թ. գլխավոր գիտաշխատողի բազային միջին աշխատավարձը կազմում է 138 հազար դրամ, ապա փոփոխությունների արդյունքում՝ 2022 թ. հունվարից, գլխավոր գիտաշխատողը կստանա նվազագույնը 367 հազար դրամ: Հետագա տարիներին բազային նվազագույն աշխատավարձը, շարունակաբար աճելով, 2025 թ. հունվարի դրությամբ կհասնի 553 հազար դրամի:
Մանրամասները՝ տեսանյութում:
