27.04.2026 | 11:54
Իսրայելի հարվածների հետևանքով Լիբանանում 14 մարդ է զոհվել
Ալիևը հայտարարել է, թե ԼՂ հակամարտությունը կարգավորված է․ «Ով այդպես չի մտածում, դա իր խնդիրն է»
Քաղաքականություն
10.05.2021 | 19:49
Ադրբեջանի նախագահ Իլհամ Ալիևն այսօր կրկին հայտարարել է, թե Լեռնային Ղարաբաղի հակամարտությունը կարգավորված է։
«Ես բազմիցս պատերազմից հետո ասել եմ և հիմա էլ եմ ուզում կրկնել, որ Ղարաբաղյան հակամարտությունը կարգավորված է։ Ադրբեջանը լուծել է այդ հարցը ինքնուրույն՝ և՛ մարտի դաշտում, և՛ բանակցությունների սեղանին»,- ասել է Ալիևը պետական AZTV-ին տված հարցազրույցում։
Նա նաև հայտարարել է, թե «Լեռնային Ղարաբաղ տարածքային միավոր գոյություն չունի»։
«Հակամարտությունը լուծված է, և ես գտնում եմ, որ անհրաժեշտություն չկա այդ հարցին վերադառնալու։ Եթե ինչ-որ մեկը կարծում է, որ Լեռնային Ղարաբաղի հակամարտությունը լուծված չէ, ապա դա իր խնդիրն է»,- ասել է Ալիևը։
Հիշեցնենք, սակայն, որ հայկական կողմը բազմիցս հայտարարել է՝ ԼՂ հակամարտությունը լուծված չէ ու առաջնահերթություն է Արցախի կարգավիճակի հարցի լուծումը։
Այն, որ հակամարտությունը լուծված չէ, վկայում է նաև ԵԱՀԿ Միսկի խմբի համանախագահների ապրիլի 13-ի հայտարարությունը, որով նրանք կողմերին կոչ են անում առաջին իսկ հնարավորության դեպքում վերսկսել բարձր մակարդակի քաղաքական երկխոսությունը՝ համանախագահների հովանու ներքո։
Էմմա Չոբանյան
