Քաղաքականություն
06.05.2021 | 15:16«Հետաքրքիր է, որ պատերազմի ընթացքում է նման հանդիպման ֆորմատ եղել ու իրենք ցանկանում էին համատեղ ինչ-որ նախաձեռնություն անել: Այս մասին լրագրողների հետ զրույցում նշեց Անվտանգության խորհրդի քարտուղար Արմեն Գրիգորյանը՝ անդրադառնալով ՀՀ առաջին նախագահ Լևոն Տեր-Պետրոսյանի առաջարկին՝ Սերժ Սարգսյանի ու Ռոբերտ Քոչարյանի հետ ընտրություններին համախմբվելու վերաբերյալ:
«Եթե հիշում եք, այդ ժամանակ ու հետո մեղադրեցին վարչապետին, որ չստացվեց իրենց համագործակցությունը, այսինքն՝ համագործակցության չստացվելու, այսպես ասած, մեղավորը վարչապետն է, այս փորձը այդ առումով շատ հետաքրքիր է: Կարծում եմ՝ խնդիրը որևէ անձ չի, այլ հենց իրենք են ու իրենց անհաջողությունները: Ես կարծում եմ՝ մոտակա ընտրություններում ժողովուրդն է հենց գնահատական տալու իրենց, չնայած դեռ 2018-ին է ժողովուրդը նրանց գնահատական տվել»,- ասաց ԱԽ քարտուղարը:
Արմեն Գրիգորյանը նաև ընդգծեց, որ փաստորեն, ՀՀ երեք նախագահների հանդիպումները քաղաքական նպատակներ են ունեցել: «Հիշում եք՝ երբ որ մարտի 25-ին հանդիպել են, հայտարարել են, որ Արցախի համար են հանդիպել, բայց վերջում պարզվում է՝ հանդիպել են ցուցակ ճշգրտելու համար»,- ասաց Գրիգորյանը:
Մանրամասները՝ տեսանյութում:
