Հասարակություն
06.05.2021 | 11:37Դեռ դեկտեմբերին խիստ մտահոգություն էի հայտնել բարձրագույն ու հետբուհական կրթության մասին օրենքի մասին, որ ոչ միայն հաշվի չէին առնվել մասնագիտական շրջանակների կարծիքները, այլ նաև՝ մարդու իրավունքների պաշտպանինը: Այս մասին ԱԺ ամբիոնից հայտարարեց ՀՀ մարդու իրավունքների պաշտպան Արման Թաթոյանը։
Նա նշեց, որ այնտեղ հակասահմանադրական դրույթներ կային։
«Նախագահը դիմել է Սահմանադրական դատարան, նաև ես պետք է կարծիք ներկայացնեմ ՍԴ՝ ամրապնդելով այն մոտեցումը, որ այդ օրենքն ունի բացահայտ հակասահմանադրական դրույթներ», – ասաց Թաթոյանը։
Նշենք, որ կառավարությունը որոշում է ընդունել, որով հաստատել է պետական բարձրագույն ուսումնական հաստատությունների կառավարման խորհուրդների ձևավորման կարգը փոփոխելու վերաբերյալ նախագիծը։
«Պատահաբար, մամուլից ենք իմացել, որ ոչ թե չզեկուցվող հարցով, այլ գրավոր ընթացակարգով, բոլորովին այլ նիստի շրջանակում ընդունվել է այս հարցը։ Ի տարբերություն օրենքի, կառավարության այս որոշումն ավելի է վատթարացնում վիճակը։ Կարծում եմ, որ ԿԳՄՍ նախարարության այս նախաձեռնությունը անարգանք է երկու սահմանադրական ինստիտուտի՝ նախագահի և ՍԴ-ի հանդեպ։ Կառավարությունն առաջացրել է խնդիր և հիմա խնդիրը լուծում է բուհերի ինքնավարության հաշվին, դա անթույլատրելի է։ Չի կարող պետությունն իր պոզիտիվ պարտավորությունը չկատարելու հաշվին լուծել բուհի ինքվարության հաշվին»,- նշեց Թաթոյանը՝ ընդգծելով, որ կառավարության որոշումը վիճարկելու է Սահմանադրական դատարանում:
Մանրամասները՝ տեսանյութում:
