18.11.2024 | 18:32
Նախորդ շաբաթ պահպանվող հատուկ տարածք տեղափոխելով 170 մեքենա
«Ես դրոշակը կտանեմ և կխփեմ, պատրաստ եմ». Արման Թաթոյանը՝ սպառողների իրավունքների պաշտպանության մասին. ՏԵՍԱՆՅՈՒԹ
Հասարակություն
06.05.2021 | 11:27
Հայաստանում սպառողների իրավունքների պաշտպանություն է իրականացնում նաև ՄԻՊ-ը:Այս մասին կառավարության այսօրվա նիստում նշեց «Իմ քայլը» խմբակցության պատգամավոր Արտակ Մանուկյանը:
«Սա եթե որպես բյուջետային ծրագիր դիտարկենք, առաջինը՝ դա կբերիՄԻՊ գրասենյակի ֆինանսավորման մեծացմանը և ՄԻՊ-ի կողմից սպառողների իրավունքների պաշտպանության լիազորությունների շրջանակի ընդլայնմանը: Բոլորի համար սա կարծես թե ընդունելի է, բայց այդ դրոշակը տանող, խփողը չկա, ո՞նց ակնկալենք, որ գոնե հիմա բյուջետային հայտերի ներկայացման ժամանակ կարողանանք այդ դրոշակը խփել»,- դիմելով ՄԻՊ Արման Թաթոյանին՝ նշեց Մանուկյանը:
«Ես դրոշակը կտանեմ և կխփեմ, պատրաստ եմ անել դա»,-արձագանքեց Թաթոյանը: -Սպառողների իրավունքների պաշտպանության ոլորտը նոր է ՄԻՊ-ի համար, սա 2016թ.օրենքով է ամրագրվել: Ինձ համար գնահատելի է այս առաջարկը, որով ՄԻՊ-ի վերահսկողական լիազորություններն ուժեղացվում են: Եվ կարևորում եմ, որ այս առաջարկը գալիս է խորհրդարանից: Ես պատրաստ եմ համատեղ առաջարկ կազմել և ներկայացնել կառավարությանը և այլն: Սա կդառնա միջազգային լավագույն փորձ»:
Մանրամասները՝ տեսանյութում:
