07.10.2026 | 23:48
Արթուր Դանիելյանը կալանավորվեց
Ինչո՞վ է պայմանավորված թմրամիջոցների շրջանառության հետ կապված հանցագործությունների աճը․ Սամսոնյան
Հասարակություն
05.05.2021 | 16:21
Ազգային ժողովում քննարկվում է Թմրամիջոցների, հոգեներգործող նյութերի և բաղադրիչների ապօրինի շրջանառության դեմ պայքարում Անկախ Պետությունների Համագործակցության մասնակից պետությունների համագործակցության մասին» 2000 թվականի նոյեմբերի 30-ի համաձայնագրում փոփոխություններ կատարելու մասին» արձանագրությունը վավերացնելու մասին նախագիծը:
«Դատախազության տարեկան հաղորդման համաձայն 2020 թվականին արձանագրվել է թմրամիջոցների ապօրինի շրջանառության հետ կապված հանցագործությունների 1226 դեպք՝ նախորդ տարվա 1088 դեպքի դիմաց, դեպքերը աճել են 138-ով»,- այս մասին նշեց ԱԺ «Լուսավոր Հայաստան» խմբակցության պատգամավոր Անի Սամսոնյանը և, դիմելով նախագածի հիմնական զեկուցող ՀՀ ոստիկանության պետի տեղակալ Արա Ֆիդանյանին, հետաքրքրվեց, թե ինչո՞վ է պայմանավորված թմրամիջոցների շրջանառության հետ կապված հանցագործությունների աճը:
«Եթե բացահայտումների թիվն ավելացել է, դա կարող ենք դիտարկել նախ՝ որպես իրավապահ համակարգի արդյունավետ աշխատանքի արդյունք: Տվյալ իրողության հակառակ կողմն այն է, որ չի բացառվում նաև իրականում թմրամիջոցների շրջանառության հետ կապված հանցագործության դեպքերի աճը: Ըստ մեր վերլուծությունների՝ աճ ունենք նաև թմրամիջոցների մաքսանենգության հետ կապված հանցագործություններով: Տևական ժամանակ մեզ համար խնդիր էր համացանցի միջոցով ապօրինի շրջանառության դեմ իրականացվող արդյունավետ պայքարի ոլորտում արդյունավետ միջոցառումների իրականացումը, վերջին շրջանում կարողացել ենք արձանագրել նաև նման հանցագործությունների բացահայտում ևս»:
«2019 թվականին թմրանյութերի ապօրինի շրջանառության մեջ ներգրավված է եղել անչափահաս 10 անձ, իսկ 2020 թվականին՝ 4, կա նաև իգական սեռի ներկայացուցիչների կոմղից այդ հանցագործություների մեջ ներգրավվածության նվազում»,- հայտարարեց Արա Ֆիդանայանը:
Մանրամասները՝ տեսանյութում:
