19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ՀՀԿ-ական ավագանին «վերևներից» «հետ քաշվելու» հրահանգ էր ստացել. «Հրապարակ»
16.02.2018 | 09:49
«Հրապարակ» թերթը գրում է.
«Երևանի ՀՀԿ-ական ավագանին «վերևներից» հրահանգ է ստացել․ «Հետ քաշվել, չտարածվել, իրավապահներն ինչ պետք է, կանեն, տեսագրությունները կան, տարաների անալիզները կանեն, ձեն-ձուն էլ չհանեք»,- տեղեկացրեց քաղաքապետարանի մեր աղբյուրը։ Ի դեպ, Լևոն Իգիթյանն այդ օրը ո՛չ երևաց, ո՛չ հայհոյեց, այնտեղ չէ՞ր։
«Ո՞նց էնտեղ չէր՝ մեր հետևում նստած էր, իրեն դրանից առաջ էր խստիվ հրահանգված՝ ընդհանրապես, ոչ մի դեպքում ձեն-ծպուտ չհանել»։ Քթի տա՞կ էլ չհայհոյեց։ «Չէ, հայհոյում էր Մարինա Խաչատրյանը, եթե լսել եք՝ խիստ տպավորիչ, Լևոնն ի՞նչ է նրա մոտ․ Լևոնը խելոք հետևում էր հրահանգին»։ Իսկ ճիշտ չէ՞ր՝ ձեզ էլ նույն հրահանգը տային։ «Բոլորս հրահանգված էինք, բայց երբ փորձեցինք տարան Մարինայի ձեռից վերցնել, պատմություն դառավ, չէինք սպասում, որ էդպես կլինի։ Հիմա թող իրավապահները որոշեն՝ խի տենց եղավ»։ Մարտին Վարդազարյա՞նն էլ իրավապահներին կդիմի։ «Անպայման»։
Մարտի 19-ին տեղի ունենալիք հաջորդ նիստին, ասում են, «Երկիր Ծիրանիի» անդամները հնարավոր է «Pussy riot»-ի կամ ֆեմեն շարժման ներկայացուցիչների նման ամբիոնից երգեն կամ մերկանալու ակցիա անեն՝ ի՞նչ եք անելու էդ ժամանակ։ «Շորերը հետներս բերելու ենք, որ հագցնենք»»։
Առավել մանրամասն՝ թերթի այսօրվա համարում:
