27.04.2026 | 15:48
Չեխիան մտադիր է գազ գնել Ադրբեջանից
Թուրքիան Ղարաբաղյան 2-րդ պատերազմի սկզբից մինչև ավարտը մշտապես աջակցել է Ադրբեջանին․ Բաքվում Թուրքիայի դեսպան
Քաղաքականություն
03.05.2021 | 16:35
Թուրքիան, կատարելով իր եղբայրական պարտքը, Ղարաբաղյան երկրորդ պատերազմի ընթացքում՝ 2020 թվականի սեպտեմբերից մինչև նոյեմբերը, միշտ աջակցել է Ադրբեջանին։ Այս մասին հայտարարել է Ադրբեջանում Թուրքիայի դեսպան Չահիթ Բագչին, գրում է MENAFN-ը:
Բագչին հայտարարել է, որ Թուրքիան պատերազմի հենց սկզբից մինչև վերջ աջակցել է Ադրբեջանին՝ «բոլորին ցուցադրելով երկու երկրների միության ուժը»։
Դիվանագետը նշել է, որ Ադրբեջանի և Թուրքիայի եղբայրական հարաբերությունները հիմնված են ընդհանուր պատմության և մշակույթի վրա:
«Թուրքիայի և Ադրբեջանի համագործակցությունը քաղաքական, տնտեսական, առևտրային, ռազմական, սոցիալական և մշակութային ոլորտներում հասել է աշխարհառազմավարական մակարդակի: Վերջին շրջանում համագործակցության մեծ առաջընթաց է գրանցվել բոլոր ոլորտներում»,- հայտարարել է նա:
Տաթև Ֆռանգյան
