18.11.2024 | 18:20
Արմեն Դանիելյանը հրաժարվել է ԲԴԽ նախագահի ԺՊ լինել․ Խորհրդի նախագահի պարտականությունները կկատարի Կարեն Թումանյանը
2020-ին հանցագործությունները նվազել են․ 400-ով նվազել են բնակարանային գողությունները․Գլխավոր դատախազ. ՏԵՍԱՆՅՈՒԹ
Հասարակություն
30.04.2021 | 13:16
ՀՀ գլխավոր դատախազությունը 2020թ. ընթացքում հանցավորության նվազում է արձանագրել 2019թ. համեմատ: Այս մասին Ազգային ժողովի պետաիրավական հարցերի մշտական հանձնաժողովի նիստում ասաց Գլխավոր դատախազ Արթուր Դավթյանը՝ ներկայացնելով «Հայաստանի Հանրապետության դատախազության 2020 թվականի գործունեության մասին» հաղորդումը:
«2020թ. ընթացքում հանցավորության նվազում ունենք նախորդող տարվա համեմատ, ըստ պաշտոնական վիճակագրության ընդամենը 382 դեպքով, սակայն, մեր վերլուծությամբ, այդ նվազումը ոչ թե 382 է, այլ 1383: 2019թ. արձանագրվել է 26 հազար 850 հանցագործության դեպք, 26 468 դեպք` 2020թ.»,- ասաց Դավթյանը:
Գլխավոր դատախազը ամենամեծ ձեռքբերումը համարեց այն, որ նվազել են սեփականության դեմ ուղղված հանցագործությունները:
«Մշտապես ունեցել ենք դինամիկ աճ, հատկապես բնակարանային գողությունների հետ կապված դեպքերով: 2019թ. արձանագրվել է 1 695 դեպք, իսկ 2020 թվականին՝ 1 258 բնակարանային գողություն»,- նշեց նա:
2019թ. համեմատ 3-ով աճել է սպանությունների թիվը` 47-ից դառնալով 50: Գլխավոր դատախազն արձանագրեց, որ աճել են մարդու դեմ ուղղված հանցագործությունների և հրազենի գործադրմամբ հանցագործությունների թվերը:
Մանրամասները՝ տեսանյութում:
