04.03.2026 | 12:54
Պաշտամունքային կառույցների օտարումը՝ բացառապես Կառավարության համաձայնությամբ. խորհրդարանն ընդունեց նախագիծը
Երազում եմ՝ «երեխեք, ի՞նչ ֆիլմ նայեմ» արտահայտության տակ առաջանա գոնե 1 հայկական ֆիլմ․ Մանուկյան
Տեսանյութեր
29.04.2021 | 17:46
«Երեխեք, ի՞նչ կինո կասեք՝ նայեմ»: Այս արտահայտությունը պոպուլյար է, և այս հարցադրումն անողին որևիցե հայկական ֆիլմ դիտել խորհուրդ տվող չկա: Սա խնդի՞ր է, թե՞ խնդիր չէ: Երազում եմ, որ գոնե մեկ հայկական ֆիլմ խորհուրդ տան դիտել: Այս մասին ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի ապրիլի 29-ի հերթական նիստում նշեց «Իմ քայլը» խմբակցության պատգամավոր Արթուր Մանուկյանը:
Նշենք, որ հանձնաժողովը առաջին ընթերցմամբ քննարկեց ԱԺ պատգամավորներ Մխիթար Հայրապետյանի, Աննա Կոստանյանի, Արթուր Մանուկյանի, Արման Եղոյանի հեղինակած «Կինեմատոգրաֆիայի մասին», «Վարչական իրավախախտումների վերաբերյալ ՀՀ օրենսգրքում լրացումներ կատարելու մասին», «ՀՀ հարկային օրենսգրքում լրացումներ կատարելու մասին» օրենսդրական փաթեթը: Օրենսդրական փաթեթի ընդունմամբ` նախատեսվում է ապահովել կինեմատոգրաֆիայի ոլորտի զարգացումը Հայաստանում:
Հարակից զեկուցող պատգամավոր Արթուր Մանուկյանը նշեց, որ Հարկային օրենքը պետք է փոփոխության ենթարկել: «Հարկային օրենսգիրքը սրբի դուռ չէ: Եթե խնդիրներ կառաջանան, կփոփոխենք օրենքները, դա ավելի հեշտ է, քան այս «մահացած, մի կերպ շարժվող ընթացքը» տանելը: Եթե չես կերակրում քո մշակույթը, կկերակրես թշնամուդ մշակույթը»,-նշեց Մանուկյանը:
Մանրամասները՝ տեսանյութում:
