18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Տարոն Մարգարյանը պետք է հրաժարական տա. Ժաննա Ալեքսանյան
Քաղաքականություն
13.02.2018 | 20:12
«Ոհմակային բռնության գործադրում հանրապետականի ավագանու անդամների կողմից «Երկիր Ծիրանիի» կին անդամի նկատմամբ»,- այսպես բնորոշեց «Լրագրողներ հանուն մարդու իրավուքների» ՀԿ ղեկավար Ժաննա Ալեքսանյանը այսօր Երևանի ավագանու նիստում տեղի ունեցած միջադեպը՝ նկատելով՝ ով ինչպես կարողանում էր, ծեծում էր «Երկիր Ծիրանիի» անդամ Մարինա Խաչատրյանին:
Ըստ իրավապաշտպանի՝ Տարոն Մարգարյանին պաշտպանելու նպատակով ապտակեցին, քաշքշեցին Մարինա Խաչատրյանին, և դա քծնանքի դրսևորում է: «Ինչի՞ համար է դա արվում, որ Տարոն Մարգարյանն իրեն լավ զգա՞: Քծնանքը վեր են դասում ամեն ինչից, ուստի կարող էին ոտնատակ տալ այդ կնոջը: Ես նայում էի ու մտածում՝ կարող են ավելի դաժան քայլերի անցնել»,- ասաց իրավապաշտպանը:
Ըստ Ժաննա Ալեքսանյանի՝ «Երկիր Ծիրանին» ստիպված էր գնալ այդ քայլին՝ ցույց տալու համար, թե ինչ են շնչում քաղաքացիները: «Թող մի քիչ էլ իրենք այդ վատ հոտը զգային, ոչինչ իրենց չէր պատահի, այդ մարդիկ ամիսներով իրենց վատ էին զգում, իսկ բանկաների շուռ գալը հանրապետականի բռնության արդյունքն էր»,- նշեց իրավապաշտպանը՝ արձանագրելով, որ այդ ամենն իրականում անպատժելիության հետևանք է:
Հարցազրույցն ամբողջությամբ՝ տեսանյութում:
Շողիկ Գալստյանե
